Быйыл был программаны финанслау 200 миллион һумға артҡан һәм уның дөйөм суммаһы 1,272 миллиард һум тәшкил итә. Шуларҙың 12 миллион һумы – милекселәрҙең үҙ аҡсаһы. Был «Башҡорт ихаталары» программаһында ҡатнашыуҙың мөһим шарты булып тора.
Быйыл ихаталарҙы төҙөкләндереү буйынса саралар Башҡортостандың 30 муниципалитетында 246 күп фатирлы йорт биләмәһенә ҡағылды, уларҙа 50 меңгә яҡын кеше йәшәй. Шулай уҡ 4550 парковка урыны булдырылды, 152 балалар һәм спорт майҙансығы, 84 ҡаты көнкүреш ҡалдыҡтары майҙансығы булдырылды.
Киләһе йылда "Башҡорт ихаталары" проектын ғәмәлгә ашырыу дауам итәсәк.
Фотоларҙа – төҙөкләндерелгән ихаталарҙың өлгөләре элеккеһе менән сағыштырылып күрһәтелгән.
