Махсус операцияла ҡатнашҡан яугирҙәребеҙгә ярҙам итеү благовещендар өсөн мөһим эш булып тора, уны бер кем дә урап үтмәй. Даими ярҙам ҡулы һуҙған битараф булмағандар яңыраҡ бергәләп тағы ла бер изге эш – блиндаж шәмдәр эшләү өсөн йыйылды. "Был шәмдәр унда бик кәрәк, – тип һөйләй балалар-үҫмерҙәр спорт мәктәбе директоры урынбаҫары Оксана Урамова. - Ялға ҡайтҡан яугирҙәр ике шәмдең төн дауамында дүрт кешелек палатканы йылыта алғанын һөйләй. Унда улар үҙҙәренә аҙыҡ та йылыта". Сарала битараф булмаған кешеләр ҡатнашты, әсәйҙәр һәм балалар ярҙамға килде. Улар бөтәһе 91 шәм етештергән. Эште рухи патриотик йырҙар йырлап башҡарғандар. Теләгән һәр кем беҙҙең һалдаттарға хаттар ҙа яҙған. "ПАНОРАМА | Благовещенск РБ" төркөмөнән.