Борай районында тыуып Тәтешлелә үҫкән, хәҙер ситтә йәшәгән Ирина Хәмиҙуллина бәшмәк йыйырға ярата. Ә быйыл бәшмәк күп булды. Уның урман, айыу-бүре, ҡасҡындар тураһындағы яҙмаһын уҡыуы ҡыҙыҡ булыр, моғайын. "Айыуҙан ҡурҡмайһығыҙмы әллә һеҙ?" тигән һорауға яуап: ҡурҡа-а-а-а-аа-а-м!!! Ватсапта Башҡортостанда булған ҡурҡыныс хәлдәр тураһында фотолар йөрөй. Ҡарарға ҡурҡыта... Эйе, урман йәнлекһеҙ булмай. Бигерәк тә тыуған яғым Башҡортостандағы кеүек тайгаға барып тоташа торған 100-200-әр саҡрымға һуҙылғандары... Хәҙерге аҡылым булһа, ул урмандарға аяҡ та баҫмаҫ инем. Вк-төркөмөндә минең бергә уйнап үҫкән, шул ҡара урмандарҙа йөрөгән дуҫтарым да бар. Ирина, Сирина, Зифинә, бала саҡ дуҫтарым, беҙҙе Аллаһ һаҡлағандыр ул яҡтарҙа йөрөгәндә. 70 йәшлек өләсәйем, күрше Йәмиға әбейгә эйәреп йөрөгән саҡтарымды иҫкә төшөрәм... Ҡарурман уртаһында Рәлде тигән ауылға (хәҙер ул юҡтыр инде) барып етә яҙа инек. Урман эсе ҡап-ҡараңғы, шыҡһыҙ бейек ҡарағайҙар, ҡырмыҫҡа иләүҙәрендә ҙур-ҙур айыу эҙҙәре, ул шул