P.S. Я люблю тебя
Сесилия Ахерннің осы аттас романының желісі бойынша Ричард Лагравенездің түсірген фильмі көрерменді бір жарым сағат бойы жылатады.Актерлер Хилари Суонк пен өте тартымды Джерард Батлердің ойынынан ләззат аласың.
Өкінішке орай, ажал айтып келмейді. Джерри мен Холли де басқа отбаслық жұптар секілді ұрсысып қалады, бір-біріне өкпелейді, бірақ ешқашан біріне бірі жақсы көрмеймін деген сөзі айтқан емес. Олар бірге қартайып, о дүниеге де бірге барамыз деп ойлайтын, бірақ тағдыр оларға бір болуды жазбады. Джерри науқас, жақында сүйіктісін жалғыз қалдырып кете бармақ. Өлер алдында ол сүйіктісі Холлиге арнап 7 хат қалдырады, бұл хаттар Холлидің күйзелістен шығуына көмектеседі, ары қарай өмір сүруге үйретеді. Әр хатта қарапайым ғана фраза жазылған «P.S. Мен сені сүйемін».
«Өзге жанға ғашық болудан қорықпа, өзіңді сүйетін жан саған белгі бергенше күт, сонда ғана өткен өміріңнен асылтай аласың! P.S. Мен сені өмір бойы сүйіп өтемін!».
Спеши любить
Картина атақты жазушы Николас Спаркстің «Спеши любить» романының желісі бойынша түсірілді.Ол махаббат оқиғаларының шебері емес пе. Джеймиді ойнаған Мэнди Мур жақсы әнші болып шықты, ол картинада бірнеше нәзік, әсерлі компазицияларды орындады.
Жастық деген ғажап қой. Алғашқы махаббат – ең күшті, ең кіршіксіз, ең әсерлі сезім. Лэндон Картер (Шейн Уэст) –мектептегі ең сымбатты, қыздардың жүрегін жаралағашы жігіт. Бірде ол оқу озаты, мектептегі ең салмақты қыз Джэймиден көмек сұрауға мәжбүр болады. Қыз оған көмектесуге келіседі, бірақ бір шарт қояды. Сыныптасы өзіне ешқашан ғашық болмауы керек. Лэндон ойланбастан келісе кетеді, бірақ ол өзінің қызға берген сертінде тұрудың қаншалықты қиын болатынын сезбейді де.
«Біздің махаббатымыз жел сияқты: көзге көрінбейді, бірақ сезінесің».
Осень в Нью-Йорке
«Осень в Нью-Йорке» Джоан Чэньнің режиссер ертіндегі екінші фильмі. вКиноиндустрияда ол «Последний император» және «Вожделение» картиналарына түскен актриса ретінде белгілі. «Осень в Нью-Йорке» мелодрамасының басты рөлінде Голливуд секс-символы Ричард Гир және Вайнона Райдер ойнайды, олардың шығармашылық бірлестігі көрерменді бейжай қалдырмады. Экрандағы жұп «Сладкий ноябрь»секілді 2001 жылы «Золотая малина» жүлдесіне ұсынылды.
Кәсіпкер әрі қызқұмар Уилл Кейн көңіл көтеру үшін жас Шарлоттамен танысады. Сол кезде қыз өзінің 22 жасқа толған туған күнін Уилдің мейрамханасында атап өтіп жатқан болатын. Жай ғана көңіл көтеруден басталған қарым-қатынас махаббатқа ұласады. Бірде қыз өзінің қатты науқас екенін, бір жыл ғана өмірі қалғанын айтады. Уилл бұған қанша көнгісі келмесе де, қызды аман алып қалуға барын салса да, қолынан келер шара жоқ.
«Бұл бұрыннан белгілі. Өмірде махаббат оқиғасының екі-ақ түрі бар. Не жігіт қызынан айырылады, не қыз жігітінен. Бұл солай, бұл солай. Әйтеуір біреу жалғыз қалады».
Виноваты звёзды
Фильм жарыққа шыққанға дейін Джон Гриннің «Виноваты звёзды» кітабы жарық көрді. Роман бірден танымалдыққа ие болды, кинематографистер Хэйзелдің оқиғасын бірден экранға шығарды. Рөлге қызығушылық танытқан актриса Шейлин Вудли, бірақ романның авторы оны басты рөлге сай келмейді деп есептеді. Бірақ Шейлин сынаққа келе бастағанда барлық түсірілім тобы актрисаның ойынына тәнті болды, осыдан кейін бұл рөлге басқа үміткерлер туралы сөз қозғаудың өзі артық болды. Шейлинге жұп болған Энсер Элгорт.
Хэйзел жазылмайтын дертке шалдыққан, қатерлі ісік. Ауру бір мезетке бәсеңсігенмен, қыз үшін өмірдің еш мәні жоқ. Жас қыз өзіне қолдау табу үшін түрлі кештерге барады, осындай кештердің бірінде ол Огастус Уотерспен танысады. Бұл кездесу тағдырдың жазуы болса керек. Екеуі бірге естен кетпес саяхатқа аттанады, сөйтіп олар қандай кезде де өмірдің мәнін табуға болатынын дәледейді.
«Ол оқып отырған кезде әдетте маужырап ұйықтап кететініміз секілді баяу ғашық бола бастадым, кейін бірден сүйіп қалдым».
До встречи с тобой
«До встречи с тобой» - экрандалған шығармалардың бірі, осы шығарманы оқыған соң армандағың, жылағың келеді.«До встречи с тобой» романын Джоджо Мойес 2012 жылы жазған. Роман жарыққа шыққанан кейін оқырмандар фильм түсіріле ме екен деген қызығушылық таныста бастады. Басты рөлде кім ойнайтыны туралы айтыс-тартыс көп болды. Әйтеуір, міне шілде айында 4 жылдан бері күтілген Те Шэррок картинасының тұсаукесері болды.
Лу Кларк (Эмилия Кларк) қаржыдан қатты қысылады, сондықтан кәсіпкер Уилл Трейнордың (Сэм Клафлин) күтушісі болуға бірден келіседі. Оқыс жағдайдан кейін Уилл мүгедектер арбасына таңылған еді. Бұрын өте сымбатты, табысты болған жігіт мүгедек болып қалған соң өзіне қол салмақ болады. Өйткені бұрынғы өмірі есіне түскен сайын ол қатты күйзеледі. Оның шешімін ешкім өзгерте алмайды, тіпті Лу да, өйткені махаббаттың өзі біздің толық бақытты болуымыз үшін жеткіліксіз.
«Өз тәжірибемнен білемін, бір кесе шай ішкеннен кейін шешілмейтін мәселе жоқ…».