Тәтешле районының Беләш ауылында “Һаулыҡ һаҡлау” милли проектының тәүге звеноны яңыртыу программаһына ярашлы төҙөлгән яңы модулле фельдшер-акушерлыҡ пункты ауылға ысын мәғәнәһендә йәм индерҙе. Хәҙер ауылдаштар район үҙәгенә йөрөмәйенсә йәшәгән урында тәүге медицина ярҙамын ала. ФАПтың яңы бинаһында пациенттар һәм медицина хеҙмәткәрҙәре өсөн уңайлы шарттар тыуҙырылған, канализация, һалҡын һәм ҡайнар һыу селтәрҙәре үткәрелгән. Бинала медицина ярҙамы күрһәтеү өсөн фельдшер кабинеты, ҡабул итеү, процедура, ял итеү һәм прививка бүлмәләре эшләй. Модулле пункт тейешле бөтә ҡорамалдар, компьютер техникаһы менән йыһазландырылған. – Медицина учреждениеһына 332 кеше, шул иҫәптән, 57 бала беркетелгән. ФАП асылғас, диспансерлаштырыуҙың беренсе этабында 140 тикшереү үткәрелде, 52 пациент тәрәнтен тикшереү үтте. Бындай фельдшер-акушерлыҡ пункты төҙөлөүе ауыл өсөн ҙур байрам. Алыҫҡа йөрөмәй, йортоңа яҡын ерҙә тәүге медицина ярҙамын алыу бик уңайлы, – ти фельдшер Алһыу Шәймиева. Рәсәй Президенты