“Беҙҙең районда фекерҙәш, берҙәм ҡатын-ҡыҙҙар берлеге барлыҡҡа килде, - тип яҙа “Благовар хәбәрҙәре”. – Улар донъя мәшәҡәттәренә, ваҡыт тығыҙлығына һылтанмай, даими рәүештә маскировка селтәрҙәрен үрә һәм махсус операцияла ҡатнашҡан яугирҙәргә тапшыра”. Языков ауылындағы Мәҙәниәт йорто хәҙер төп функцияһынан тыш, көн ҡаҙағындағы әһәмиәтле бурыстарҙы тормошҡа ашыра – район ҡатын-ҡыҙҙары күмәкләп йыйылып, тап ошонда хәрбиҙәрҙең ғүмерен һаҡлап ҡалыу өсөн маскировкалау селтәрҙәрен үрә. Хатта күрше ауыл ҡатын-ҡыҙҙары ла мөһим эштән ситтә ҡалмай, алмаш-тилмәш килеп, ҙур ярҙам күрһәтә. Был аҙнала район үҙәге, Топоринка, Ағарҙы ауылдарында йәшәүселәр селтәр үреүҙә әүҙем эшләгән. “Ватан һаҡсыларына һәр кем ярҙам ҡулын һуҙа ала, беҙгә ҡушылығыҙ !”– тип саҡыра улар яҡташтарын. Фото: “Благовар хәбәрҙәре”