Коко Шанель- (Coco Chanel, шын аты Габриель Бонер Шанель, Gabrielle Bonheur Chanel) «CHANEL» сән үйінің негізін қалаған атақты француз дизайнері, XX ғасырдың сән саласына көптеген жаңалықтар енгізген сәнгер.
Коко Шанель 1883 жылы 19 тамызда Сомюр қаласында дүниеге келген. Габриель он екі жасқа толғанда, оның анасы қайтыс болады, содан кейін Шанель балалары туысқандарында тұрады. 18 жаста Габриель киім дүкеніне сатушы болып жұмысқа орналасады, бос уақытында кабареде ән айтады. Габриельді Коко деп атаудың себебі - оның сүйікті әндері «Ko Ko Ri Ko» және «Qui qua vu Coco» деп аталатын.
Шанель талантымен, өзіне сенімділігімен, биік талғамымен адамдардың көзін, жүрегін жаулаған екен. Коко нағыз махаббатын жолықтырып, енді әйел бақытына қол жеткізгенде күйеу жігіт қайтыс болады. Сол жігіті оған сән үйін ашып береді… Шанель ең алғаш рет шляпалар шығаратын Париждегі сән үйін ашады. Сөйтіп, модаға шляпаларды кіргізген. Одан кейін біз әлі күнге дейін сатып алып жүрген тельняшка, твид пиджактар, кішкентай қара көйлек, ақ моншақтарды модаға шығарған.
Шанельдің тағдыры, таланты, афоризм сөздері, тарихта қалдырған қолтаңбасы өшпейді. "Мода приходит, стиль остается" деп Шанель өзі айтқандай, Шанель стилі өшпейді.