Стәрлетамаҡ театр-концерт берләшмәһе филармониялар фестивалендә ҡатнаша. Шул айҡанлы 4 октябрҙә Х. Әхмәтов исемендәге Башҡорт дәүләт филармонияһының сәхнәһендә Стәрлетамаҡ дәүләт театр-концерт берләшмәһенең филармонияһы һоҡландырғыс өр-яңы форматтағы “Урал легендалары” мюзиклының премьераһын ҡуясаҡ. - «Урал легендалары» - ул мөхәббәт, изгелек, намыҫ, дуҫлыҡ, тыуған еребеҙҙе, тирә-яҡ мөхитте хөрмәт итеү хаҡындағы тарих. Торатау итәгендә таҙа, һылыу Ағиҙел йылғаһы ағып ята – тыуған ерҙең йәшәү сығанағы, ул хәстәрлеккә һәм яҡлауға мохтаж. Урал батырҙың данлыҡлы тоҡомонан булған Иҙел батыр ҡыҙы Ағиҙелде бөйөк далалар ханының улы Тураханға кейәүгә бирә. Ҡыҙын оҙатҡанда, ул ата-бабаларының аманатын – үҙ халҡыңды һаҡларға, яҡларға һәм Ер-әсәнең шифалы күкрәк һөтө тураһында һәр ваҡыт хәтерендә тоторға ҡуша. Йәштәрҙең мөхәббәтенә Шүлгән батшаның уң ҡулы Ашаҡ ҡамасауларға маташа. Уның ҡарамағында бөтә дейеү ғәскәре һәм Шаман ҡатын була. Турахан менән Ағиҙелгә уларҙың тоғро дуҫы Ҡара Аҡҡош ергә с