Тығындар ҡасан бөтөр?
“Иннопром. Ҡазағстан” форумы Башҡортостан менән Ҡаҙағстан араһында өҫтөнлөклө проекттарға юл асып ҡына ҡалманы, ике туғандаш республиканың күп йыллыҡ дуҫлығында сағыу ваҡиғаға ла әйләнде. Был хаҡта республика менән идара итеү үҙәгендә үткән оператив кәңәшмәлә Хөкүмәт премьер-министры Андрей Назаров белдерҙе. Көн тәртибенә сығарылған мәсьәләләр тураһында хәбәрсебеҙ Ғәзиз Лоҡманов.Оператив кәңәшмәне асып Хөкүмәт рәйесе Андрей Назаров машина төҙөүселәрҙе һәм туризм тармағы белгестәрен үтеп киткән байрамдары менән ҡотланы. Был ике тармаҡ та республикала йылдам үҫешә тиелде. Рәсәйгә ҡушылған яңы төбәктәр ҙә берләшеүҙең 1 йыллығын билдәләне. Андрей Назаров шефлыҡҡа алынған биләмәләрҙә башҡарылған эштәрҙе һанап китте.Үткән аҙна ваҡиғаларына туҡталғанда Башҡортостанда беренсе тапҡыр ойошторолған “Геоһынау” геология чемпионатын билдәләп китергә кәрәк. Был сарала Рәсәйҙең 13 төбәгенән һәм Ҡаҙағстандан 20 команда ҡатнашты. Улар республиканың төрлө урындарында ткшереүҙәр уҙғарып та ярышты. Иң яҡшы командалар алдынғы предприятиеларҙа стажировка үтеү мөмкинлеге алды. Башҡортостандың сәнәғәт тармағы белгестәр был көндәрҙә ҙур делегация менән Ҡаҙағстанда булып ҡайтты. Халыҡ-ара күргәҙмәлә беҙҙең республика стенды иң ҙуры һөм йөкмәткелеһе ине тип баһаланы Андрей Назаров. Эре предприятиелар һәм кесе бизнес вәкилдәре бер нисә ҙур килешеүгә ҡул ҡуйып ҡайтҡан.Эшлекле сәфәр һөҙөмтәһе буйынса Өфөгә Ҡаҙағстан премьер-министрының һәм сәнәғәт министрының яуап сәфәре тураһында килешелгән. Ағымдағы аҙна ла эшлекле сараларға бай булмаҡсы. Дүшәмбенән старт алған эшҡыуарлыҡ аҙналығы сиктәрендә йүнселлекте үҫтереү программалары үтәлеше һәм ихтыяж булған яңы ярҙам саралары барланасаҡ. Оператив мәғлүмәттәр хаҡында доклад Өфөләге ҙур тығындар темаһы менән асылды. Халыҡтан булған мөрәжәғәттәрҙең күпселег тап ошоға бәйле. Ял көндәре алдынан ҡаланан сығыу һәм йәкшәмбе кире юлда ремонт эштәрен туҡтатып тороу тураһында килешелгән. Әммә тейешенсә үтәлмәй тиелде кәңәшмәлә. Шунлыҡтан ҙур тығындар күҙәтелә. Салауат Юлаев проспектында асфальт яңыртыу эштәре башланыуға бәйле тығындар тағы ла артыуы ихтимал. Андрей Назаров парралель урамдарҙа хәрәкәтте көйләргә, кәрәк урында һул яҡҡа боролоуҙы тыйырға тәҡдим итте.Авария хәлендәге йорттарҙы күсереү программаһы үтәлеше лә ҡаралды оператив кәңәшмәлә. Әлегә Яңауыл районында эштең тамамланмауы хәүеф тыуҙыра, тиелде докладта. Йылылыҡ миҙгеленә әҙерлекте тикшереү һөҙөмтәләре иғлан ителде. 28 меңдән ашыу етешһеҙлек асыҡланған, уларҙы төҙәтеү контролгә алынған. Күп фатирлы йорттарға йылы биреү ваҡыты регламент буйынса 5 көн дауамында һауа температураһы 8 градус йылынан түбән торған осраҡта башҡарыласаҡ.
Смотрите видео
Присоединяйтесь к калалу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».