Дәүләт Думаһына Рәсәй Федерацияһының Енәйәт кодексын ошо закон проекты менән тулыландырыу буйынса яуаплылыҡты күҙ уңында тотҡан яңы статья индерелде. Рәсәй Федерацияһының Енәйәт кодексының 151.3-сө статьяһында ҡаралған енәйәт составы административ преюдиция менән ҡороласаҡ. Йәғни бәлиғ булмаған баланы тәмәке йәки никотинлы продукция ҡулланыу процесына бер йыл эсендә ике тапҡыр йәлеп иткән өсөн енәйәт эше ҡаралған. Ә бер тапҡыр шундай уҡ ғәмәл өсөн административ яза биреләсәк. Парламентарий һүҙҙәренсә, яза 100 мең һумға тиклем штрафтан башлап өс айға тиклем ҡулға алыуҙы үҙ эсенә аласаҡ. "Бынан тыш, балаларҙы ата-әсәләр, уҡытыусылар һәм бәлиғ булмаған баланы тәрбиәләү бурысы йөкмәтелгән башҡа кешеләр йәлеп иткәне өсөн көсәйтелгән яуаплылыҡ – алты айға тиклем иркенән мәхрүм итеү ҡаралған, – тине Башҡортостандан Дәүләт Думаһы депутаты ("Берҙәм Рәсәй”), Дәүләт Думаһының Дәүләт төҙөлөшө һәм ҡануниәт буйынса комитеты рәйесенең беренсе урынбаҫары, Рәсәй Юристар ассоциацияһының Башҡортостан бүлексәһе рәйесе Ирина Панькина. Закон проекты Дәүләт Думаһының балаларҙың һаулығын һаҡлау һәм уларҙы тәмәке ҡулланыуға йәлеп итеүҙе туҡтатыу буйынса дауам иткән эше сиктәрендә Дәүләт Думаһының Дәүләт төҙөлөшө һәм ҡануниәт буйынса комитеты рәйесе Павел Крашенинников, Дәүләт Думаһы вице-спикерҙары Петр Толстой һәм Анна Кузнецова тарафынан индерелде. Фото: