Стәрлебаш районы Баҡый ауылынан Роза һәм Рәсүл Вилдановтар оло йәшкә етһәләр ҙә йәштәргә өлгө булырҙай итеп матур донъя көтә. Ғүмерҙәренең тырыш хеҙмәттә үтеүе менән айырыуса ихтирамлы улар. Заманында Стәрлетамаҡ дәүләт педагогия институтының физика һәм математика факультетын тамамлаған пар, барлыҡ ғүмерҙәрен ошо фәндәрҙе уҡытыуға арнай. Икеһенә бергә 73 йыл ғүмерҙәре уҡытыусылыҡ менән бәйле. Рәсүл Ғибаҙулла улына 35 йыл мәктәп директоры вазифаһын да башҡарырға тура килә. Оло йәштә лә күңелдәре менән йәш, рухлы булып ҡала белгән Вилдановтарға ҡартлыҡтарының именлектә үтеүен теләйбеҙ. Рәсәйҙә 1 октябрҙә Оло йәштәгеләр көнө 1992 йылдан алып билдәләнә. Көҙҙөң бай, емешле сағында был байрамды үткәреү урынлы ла. Сөнки ҡартлығында һәр кем үҙенең ғүмеренә йомғаҡ яһай, емештәрен татый. Барлыҡ оло йәштәгеләрҙе байрамдары менән ҡотлап, һаулыҡ һәм бәрәкәтле тормош теләйбеҙ. Автор фотоһы.