Өфөнөң 21-се ҡала дауаханаһына “Һаулыҡ һаҡлау” милли проектының “Йөрәк-ҡан тамырҙары менән көрәш” программаһы буйынса заманса магнит-резонанс томографы алынды.Туғыҙ ай эсендә яңы ҡорамалда 20 меңгә яҡын тикшереү үткәрелгән. Яңы компьютер томографы киҫелештәрҙең күплеге менән элеккеләренән айырылып тора. Шул арҡала тикшереү оҙайлығы кәмей. Нур көсөргәнеше яғынан да ул хәүефһеҙерәк, нур дозаһы 82 процентҡа тиклем кәмей. –Томограф эшләү өсөн бик уңайлы. Ул яңы программалар менән йыһазландырылған һәм етди сирҙәрҙе үҙ ваҡытында диагностикаларға мөмкинлек бирә. Ишемия инсульттарында некроз зонаһы нисбәтен билдәләргә мөмкин. Был сирҙең тәүге сәғәттәрендә айырыуса мөһим,– тип билдәләне табип-рентгенолог Динара Камзина. Рәсәй Президенты Владимир Путиндың “май “ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә һанлы технологияларҙы индереү мөһим бурыстарҙың береһе булып тора. ”Һаулыҡ һаҡлау” милли проектының (национальный проект “Здравоохранение) төп маҡсаты – хеҙмәткә һәләтле йәштәге халыҡтың үлем күрһәткестәрен, ҡан әйләнеше сирҙәренән, ямаш шештәрҙән үлем осраҡтарын кәметеү, инновацион медицина технологияларын индереү, шул иҫәптән пациенттар сәләмәтлеген иртә диагностикалау һәм дистанциянан тороп мониторинг үткәреү алымдарын ҡулланыу. Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән халыҡ өсөн. Фото: Һаулыҡ һаҡлау министрлығы.