Был ошо көндәрҙә генә яңылыҡтар таҫмаһында сыҡҡан хәбәр. Аптырарлыҡ түгел, сөнки интернет уғрылары көндән-көн әүҙемләшә.
"Алло, һеҙҙең ейәнегеҙ аварияға осраны, уға енәйәт эше асабыҙ, уны ҡотҡарыр өсөн тиҙ арала аҡса күсерегеҙ".
Бына ошондай хәбәр менән шылтыратһалар, шунда уҡ бәйләнеште өҙөргә кәрәк. Сөнки ул мошенниктар. Был билдәле алым хәҡында хәҙер бөтәһе лә тиерлек белә, әммә көн һайын шул уғрылар ҡармағына эләгеүселәр табылып тора. Сөнки еңел аҡса эшләүселәр ҙә йоҡламай, улар яңынан-яңы алымдар уйлап таба, кешегә психологик баҫым ҡуллана, енәйәт эше, терроризмды финанслау, иноагент итеп ғәйепләү кеүек аҙымдар менән ҡурҡыта.
Был интсрументтар яҡшы эшләй, мәҫәлән 1 йыл эсендә генә Башҡортостанда мутлашыусылар халыҡтың 1 миллиард 613 миллион һум аҡсаһын урлаған. Реаль һандар әлбитә күберәк, сөнки бәғзеләр был суммаларҙы кредитҡа алып шикле иҫәптәргә күсерә, аҙаҡ уны йылдар буйы бер нисә тапҡырға арттырып түләй. Ә ҡайһылар бөтөнләй хоҡуҡ һаҡлау органдарына мөрәжәғәт итмәй, сөнки ояты ни тора... һәтүәһе лә булмаһа... сөнки интернет йә телефон аша сит иҫәпкә күсерелгән аҡсаларҙың 10-15 процентында ғына осона сығып була. Башҡалары тишек кәритәлә ултырып ҡала.
Ни өсөн интернет мутлашыусыларҙы таба алмайҙар, ниндәй алдау алымдарын ҡуллана һәм нисек күҙгә күренмәгән ҡараҡтарҙан һаҡланырға? Алдағы ярты сәғәттә асыҡларға тырышырбыҙ.
Тапшырыу ҡунаҡтары менән таныштырып үтәйем: иҡтисад фәндәре кандидаты, беҙҙең даими эксперт Илдар Ғәбитов һәм юристар Руслан Биккинин менән Илнур Зарипов.
Смотрите видео
Присоединяйтесь к калалу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».