"Рәсәй көсө" йәйге спорт марафонына йомғаҡ яһалды

Спорт саралары 3,5 мең майҙансыҡта меңдән ашыу коммерцияға ҡарамаған ойошма ҡатнашлығында үткән. Уның йәйге этабында бөтә ил буйынса 110 меңдән ашыу кеше ҡатнашҡан. – Бөтә Рәсәй инвалидтар йәмғиәте, Бөтә Рәсәй һаңғырауҙар йәмғиәте һәм Бөтә Рәсәй һуҡырҙар йәмғиәте менән берлектә инклюзив спорт аҙналығы үткәрҙек. Ошо ваҡыт эсендә хәрби ҡаласыҡтарҙа, махсус хәрби операцияла ҡатнашыусыларҙың ғаиләләре менән эшләүгә баҫым яһаныҡ. Физкультурниктар көнөнә арналған сарала туғыҙ меңдән ашыу кеше ҡатнашты, – тине "Берҙәм Рәсәй" яҡлыларҙың үҙәк советы рәйесе, Дәүләт Думаһының граждандар йәмғиәтен үҫтереү буйынса комитеты рәйесе урынбаҫары Ольга Занко. – Күнекмәләр бөтәһе өсөн дә асыҡ булды. Ҡатнашыусылар билдәле атлеттар менән аралашты, автографтар һәм кәңәш-нәсихәттәр алды, – тине күп тапҡыр Олимпия уйындары, донъя һәм Европа чемпионы, 13 тапҡыр СССР һәм Рәсәй чемпионы, сенатор Александр Карелин. Саралар яңы төбәктәрҙә лә үтте. Уларҙың һөҙөмтәләре буйынса Шахтерскиҙан 40 бала Мәскәү өлкәһенә күнекмәләргә барған. Башҡортостан Республикаһында "Рәсәй көсө" Бөтә Рәсәй спорт марафоны дүрт мең самаһы ҡатнашыусыны берләштерҙе. – Был проектты тормошҡа ашырыу барышында республика буйлап 80-дән ашыу сара үтте. Уның сиктәрендә ГТО нормаларын тапшырҙыҡ, ғаилә спорт байрамдары һәм милли спорт төрҙәре буйынса ярыштар уҙҙы,– тине Башҡортостан Республикаһы Дәүләт Йыйылышы - Ҡоролтай депутаты, төбәк яҡлылар советы рәйесе, "Берҙәм Рәсәй" партияһының Генераль советы ағзаһы Яков Кугубаев. Фото: "Берҙәм Рәсәй" Бөтә Рәсәй сәйәси партияһының Башҡортостан төбәк бүлексәһе матбуғат хеҙмәте.