Благовар районының Западный, Домбровка, Топоринка ауылдарында, “Һаулыҡ һаҡлау” милли проектына ярашлы, модулле фельдшер-акушерлыҡ пункттары конструкциялары урынлаштырыла. Биналар төҙөлөп бөтөү алдында. Тәҙрә һәм ишектәр ҡуйырға ғына ҡалған.Бер үк ваҡытта коммуникацияларға тоташтырыу, һыу һәм канализация селтәрен һалыу эштәре бара. Йыһазландырыу өсөн ҡорамалдар килтерелә. Благовар районы хакимиәте биләмәләрҙе төҙөкләндереү һәм юлдар һалыу буйынса эштәрҙе планлаштырған. –Беҙ оҙаҡламай яңы модулле ФАП-тарҙың эшкә тотоноуын түҙемһеҙлек менән көтәбеҙ.Заманса технологиялар ярҙамында табиптар һанлы системанан файҙалана аласаҡ, ә пациенттарға телемедицина консультацияларын алыу мөмкинлеге тыуасаҡ. Хәҙер халыҡ йәшәгән урынында диспансерлаштырыу, вакцинация, медицина тикшеренеүҙәрен үтә ала, – тине үҙәк район дауаханаһының баш табибы Алмаз Заһиҙуллин. Рәсәй Президенты Владимир Путиндың “май“ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шулар араһында халыҡ һанын