Өфөгә Рәсәй аэрокосмос вуздары консорциумы вәкилдәре килде

Өфө фән һәм технологиялар университетында Рәсәй аэрокосмос вуздары консорциумында ҡатнашыусыларҙың дөйөм йыйылышы үтте. Өфөгә аэрокосмик профилдәге алдынғы университеттарҙың ректорҙары һәм вәкилдәре килде. Сара Консорциум президенты, Мәскәү авиация институты (Милли тикшеренеү университеты) ректоры Михаил Погосян етәкселегендә үтте. Өфө университеты ректоры Вадим Захаров һәм инновацион эшмәкәрлек буйынса проректор Георгий Агеев ҡунаҡтарҙы Өфө фән һәм технологиялар университетының экосистемаһы, атап әйткәндә, Берҙәм инновацион комплекс лабораториялары, иң яҡшы белем биреү практикалары, конструкторҙар бюроһы билбауы, «Киләсәк моторҙары» алдынғы инженер мәктәбенең майҙансыҡтары, юғары уҡыу йортоноң ғилми мәктәптәренең инновация эшкәртмәләре, студенттар командаларының башланғыстары, инфраструктура объекттары менән таныштырҙы. «Аэрокосмик баҙарҙарҙың киләсәге» тигән темаға лекция менән Өфө фән һәм технологиялар университетының студенттары һәм профессор-уҡытыусылар составы алдында аэрокосмик вуздарҙың Консорциум президенты, МАИ ректоры Михаил Погосян сығыш яһаны. Авиация тармағында технологиялар һәм продукттар үҫешенең өҫтөнлөклө йүнәлештәре араһында Михаил Погосян планета конструкцияһының яңы аэродинамикаһын һәм камиллашыуын, перспективалы борт системаларын, аҙ тауышлы һәм экологик көс ҡулайламаларын, шулай уҡ яңы материалдар һәм етештереү технологияларын билдәләне. Сығыш аҙағында спикер кадрҙар әҙерләү мәсьәләләренә туҡталды, атап әйткәндә, инженерҙарға һанлы дәүерҙә кәрәкле компетенцияларға баҫым яһаны. - Бөгөн Өфө университеты Рәсәйҙең алдынғы университеттары - аэрокосмик вуздары консорциумы ҡатнашыусылары вәкилдәрен ҡабул итте, - тип билдәләне Өфө университеты ректоры Вадим Захаров. - Бер нисә мөһим мәсьәләне һәм вуз-ара кооперация перспективаларын коллегалар менән тикшерҙек. Берлектәге ҙур инженер проекттары, шул иҫәптән Евразия ғилми-белем биреү үҙәгенең студенттар кампусы майҙансыҡтарында ла асылыр, тип ышанам, уның беренсе сираты Өфөлә быйыл асыласаҡ. Сығанаҡ һәм фото: pravitelstvorb.ru