Бөгөн Сибай халҡы махсус хәрби операцияла ҡатнашҡан батыр улдарының береһен һуңғы юлға оҙатты. Динар Вәлиев махсус хәрби операция барышында батырҙарса һәләк булған. Динар Урал улы Вәлиев 1989 йылдың 16 июнендә Сибайҙа тыуған. 12-се мәктәпте һәм 24-се һөнәрселек лицейын тамамлаған. 2009 йылдың октябрендә хәрби хеҙмәткә алына. Мобилизация буйынса саҡырғанға тиклем Учалы ҡалаһының "Шахтопроход идаралығы" яуаплылығы сикләнгән йәмғиәтендә эшләй. Мотоуҡсылар полкы мотоуҡсылар батальонының мотоуҡсылар ротаһы мотоуҡсылар взводының мотоуҡсылар бүлеге командиры вазифаһында хәрби хеҙмәт үтә. 15 сентябрҙә махсус хәрби операцияла батырҙарса һәләк була, биргән антына аҙаҡҡы һулышына тиклем тоғро ҡала.Туғандары, дуҫтары һәм коллегалары уны изге күңелле, намыҫлы һәм ҡыйыу кеше итеп иҫкә ала. Туғандары өсөн Динар яратҡан, хәстәрлекле атай, ир һәм ул булып мәңге хәтерҙә ҡаласаҡ. Рәсәй Федерацияһы Президенты Указы менән, хәрби бурысын үтәгәндә күрһәткән ҡыйыулығы һәм фиҙаҡәрлеге өсөн Вәлиев Динар Урал улы үлгәндән һуң Батырлыҡ ордены менән наградланды. Геройҙың наградаһы уның ҡыҙҙарына тапшырылған. Беҙ ҙә яугирҙең яҡындарының һәм ғаиләһенең ауыр ҡайғыһын уртаҡлашабыҙ. Мәңгелек йоҡоң тыныс булһын, батыр яугир... Фото: Сибай хакимиәте сайтынан