Быйыл июнь айында Өфөлә “Ватан һаҡсылары” фонды филиалына махсус хәрби операцияла һәләк булған яугирҙең тол ҡатыны, өс бала әсәһе мөрәжәғәт итә. Уға һәм балаларына медицина һәм психологик ярҙам кәрәк була. Ҡатынға фонд тураһында Халыҡты социаль яҡлау хеҙмәткәрҙәре әйткән, мөрәжәғәт итеү өсөн адресты ла күрһәткән. Әйткәндәй, Өфөлә фондтың филиалы Минһажев урамы, 107-се йортта урынлашҡан. Балалар һәм әсә кеше психологка йөрөй, планда дөйөм медицина тикшереүе үтеүе, арт-терапия, шифахана-курорт дауаланыуы бар. Ярҙам саралары байтаҡ. “Изге кешеләр ихлас күңелдән ярҙам итә”, ти һәләк булған яугирҙең ҡатыны фонд филиалы хеҙмәткәрҙәренең эше тураһында. Хәтерегеҙгә төшөрәбеҙ, “Ватан һаҡсылары” фонды махсус хәрби операция ветерандары ғаиләләренә һәм һәләк булғандарҙың ғаиләләренә барлыҡ тейешле ярҙам сараларын алыуҙа ярҙам күрһәтә. Башҡортостанда “Ватан һаҡсылары” фонды филиалы түбәндәге адрес буйынса урынлашҡан: Өфө ҡалаһы, Минһажев урамы, 107. Эш ваҡыты: 9.00 - 18.00 сәғәттәрҙә, ял көндәре: шәмбе һәм йәкшәмбе. Консультация өсөн телефон: 8 (347) 268-01-02. Фото: Башинформ.