“Һеҙ һәр беребеҙҙең тормошон яҡшыраҡ һәм хәүефһеҙерәк итәһегеҙ”

Республика Хөкүмәте Премьер-министры Андрей Назаров яҡташтарыбыҙҙы Машиналар төҙөүселәр көнө менән ҡотланы: “Машиналар төҙөү тураһында һөйләгәндә, автомобилдәр, пароходтар, самолеттар торған ҙур заводтарҙы күҙалларға күнеккәнбеҙ. Әммә был тармаҡ күптән ундай ғына түгел. Бөгөн ул үҙ эсенә төрлө технологик ҡорамалдарҙы, электрониканы, көнкүреш техникаһын да ала - уңайлы тормош өсөн кәрәк булғандың барыһын да. Үҙемдең йәш сағымдағы һәм бөгөнгө тормош кимәлен, технологияларҙы кимәлен сағыштырам - ғәйәт ҙур айырма. Быларҙың барыһы менән дә беҙ бөгөн һөнәри байрамын - Машина төҙөүселәр көнөн билдәләгән белгестәргә бурыслыбыҙ. Үҙ ваҡытында республикабыҙҙа машиналар төҙөү тармағы металлургия эшенең быуаттар буйына алып барылған традициялары нигеҙендә ҡеүәтле үҫеш алды. Бөйөк Ватан һуғышы йылдарында беҙгә 170-тән ашыу предприятие эвакуацияланған - был һуғыштың тәүге өс йылында етештереүҙе һигеҙ тапҡырға арттырған. Өфө моторҙар төҙөү заводында ҡыҫҡа ғына арала яңы мотор етештереү алымдары үҙләштерелгән. Һәр өсөнсө хәрби самолетта Өфөлә етештерелгән двигатель торған. Быуаттар киҫелешендә машиналар төҙөү тармағы үҙенең төп йүнәлешен юғалтмаған, ә инновацияларға һәм мәғарифҡа инвестициялар индергән фәнни ҡаҙанышлы мөһим өлкәгә әйләнгән. Хәҙер был - бөтә экологик талаптарға яуап биргән һәм роботлаштырылған производство. Төбәктең индустриаль продукцияһының 2/3 өлөшөн машиналар төҙөү тармағы тәьмин итә, экспортты билдәләгән мөһим төшөнсә булып тора. Илебеҙ урамдары буйлап заманса «НефАЗ» автобустары йөрөй, троллейбустар, газ турбиналары, махсус техника һәм электр двигателдәре етештереү үҫешә. Башҡортостанда етештерелгән авиадвигателдәр, вертолеттар һәм пилотһыҙ осоу аппараттары илдең оборона һәләтен һәм граждандар авиацияһын нығытыуға хеҙмәт итә. Быларҙың барыһы ла - иҡтисадыбыҙҙың юғары үҫеш кимәле күрһәткесе. Бөтә тармаҡ ветерандарын һәм бөгөн илгә хеҙмәт иткән сәнәғәтселәрҙе Машиналар төҙөүселәр көнө менән ҡотлайым! Эшегеҙгә тоғролоҡ, юғары фиҙакәрлек, тыуған ерегеҙ хаҡына ауыр хеҙмәтегеҙ өсөн рәхмәт һеҙгә! Һеҙ һәр беребеҙҙең тормошон яҡшыраҡ һәм хәүефһеҙерәк итәһегеҙ. Һеҙгә ныҡлы һаулыҡ һәм шәхси бәхет теләйем!” - тип яҙған социаль селтәрҙәге шәхси сәхифәһендә Андрей Назаров. Фото: Андрей Назаровтың социаль селтәрҙәге шәхси сәхифәһенән.