Ҡалтасы районының 2-се Ҡалтасы мәктәбендә "Мәғариф" милли проекты сиктәрендә ҡыҫҡа ваҡытлы ялға ҡайтҡан махсус хәрби операция яугире ҡатнашлығында ”Мин – Рәсәй патриоты” дәресе үтте. Алтынсы кластарҙың класс етәкселәре Рәсәй тураһындағы шиғырҙар уҡып ишеттерҙе, уҡыусыларҙың иғтибарын Рәсәй Федерацияһының күп милләтле составына йүнәлтте, Рәсәйҙең Федератив ҡоролошо, илебеҙ Конституцияһына ярашлы Донецк Халыҡ Республикаһының, Луганск Халыҡ Республикаһының, Запорожье һәм Херсон өлкәләренең Рәсәй Федерацияһы төбәктәре исемлегенә индерелеүе хаҡында һөйләне. Юнармеецтар Рәсәй дәүләте символдары: герб, флаг, гимндың барлыҡҡа килеү тарихы һәм әһәмиәте тураһында һөйләне. Махсус хәрби операцияла ҡатнашыусы яугир уҡыусыларға, изге эштәрҙә ҡатнашыу – ул патриотизмдың бер төрө, тине. “Һеҙ оло йәштәге кешеләргә барып хәлен беләһегеҙ, улар өсөн концерттар әҙерләйһегеҙ, тимәк, өлкән быуын тураһында хәстәрлек күрәһегеҙ, өмәләрҙә ҡатнашаһығыҙ – тимәк, үҙегеҙҙең бәләкәй ватанығыҙ өсөн тырышаһығыҙ, яҡшы уҡыйһығыҙ, үҙ илегеҙҙең тарихын өйрәнәһегеҙ – һеҙ лайыҡлы граждандар булып үҫәһегеҙ”, – тине ул. Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды. Фото: Ҡалтасы районы хакимиәте.