Կրակոցների ձայներից խուճապի չմատնվել․ ռուս զինվորականները Գյումրիում զորավարժություններ են անցկացնում

Ռուսական 102 ռազմաբազայի զինվորականներն այսօր Գյումրիում զորավարժություններ կանցկացնեն, հայտնում է Գյումրու համայնքապետարանը։ 

«Գյումրիում տեղակայված ռուսական 102 ռազմաբազայից այսօր՝ հոկտեմբերի 4-ին, ժամը՝ 09:30-16:30-ն ընկած ժամանակահատվածում ռուսական 102 ռազմական բազայի զինվորական տարածքներում, զորքերի մարտունակության պահպանման համար անցկացվելու են զորավարժանքներ»,- ասված է հայտարարությունում:

Նշվում է, որ զորավարժանքներն ուղղեկցվելու են ձայնային ազդանշանով։ Համայնքապետարանը հորդորում է քաղաքի տարածքում կրակոցների ձայներ լսելիս խուճապի չմատնվել: