ТР Раисӗ Рустам Минниханов тӗрев панипе республикăра 2004 çултанпа анлă социаллă культура проекчӗ –çемье тата аннелӗх илемӗн «Нечкэбил» конкурсӗ пырать. Вăл кăçал та республикăн чи лайăх çемйисене пуçтарчӗ. Конкурсăн тӗллевӗ – çемье хаклăхне, Тутарстан халăхӗсен культурипе йăли-йӗркисене, сывă пурнăç йӗркине анлă сарасси. Унта законпа пӗрлешнӗ, ачаллă, Тутарстанра пурăнакан çемьесем кăна хутшăнаççӗ. Сентябрӗн 16-мӗшӗнче Хусанти Ленин ячӗллӗ Культура керменӗнче виççӗмӗш тапхăрӗ иртрӗ. Çӗпрел районӗн чысне Алешкин Саплăк ялӗнче пурăнакан Клеменьтевсем хӳтӗлесе «Халăх йăли-йӗрки» номинацире çӗнтерчӗç. Кунсăр пуçне Наталия «Жизнь замечательной семьи» сочиненисен конкурсӗнче те мала тухса Диплома тивӗçрӗ.
Наталия Клементьева «Сувар» хаçатăн тахçанхи тусӗ пулнă май эпир те ăшшăн саламлама васкарăмăр, конкурс пирки каласа пама ыйтрăмăр.
– Конкурса хутшӑнма мана районти Культура çурчӗн директорӗ Руслан Данирович Шарафутдинов сӗнчӗ. Ертӳçӗсене итлеме хӑнӑхнӑран -и, нимӗн шутласа тӑмасӑрах килӗшрӗм. Пӗрремӗш тапхӑрта анкета тултармаллаччӗ. Пуçланчӗ вара «Нечкэбил» тăрăх çулçӳрев пирӗн. Тӳрех калатӑп, çӑмӑл пулмарӗ хатӗрленме. Çемье пирки видеосем ӳкертӗм. Иккӗмӗш тапхăрӗ зональный пулчӗ. Камское Устьене виçӗ ачапа кайрӑмӑр. Руслан Данирович транспорт уйӑрчӗ. Жюрисем унта кашни çемьепе уйрăммăн тӗл пулса çемье пултарулӑхӗпе паллашрӗç. Телее, Дипломсемпе Хисеп хучӗсене йӑлтах хамăрпа илсе кайнӑччӗ. Çапла тепӗр тапхăра çӑмӑллӑн иртрӗмӗр, – терӗ вăл.
Малалла:
: http://suvargazeta.ru/news/cn-khyparsem/neckebile-kacal-klementevsem-xutsanna