Найти тему
Башҡортостан гәзите

Мунса барып етте!

Салауат районында ойошторолған гуманитар ылау махсус хәрби операцияла ҡатнашҡан яҡташтарына күсмә мунса һәм башҡа кәрәк-яраҡ алып барҙы. Батырҙарға ла ял итергә, йыуынырға мөмкинлек буласаҡ. Күсмә мунсаны әҙерләүҙә, ылауҙы туплауҙа ҡатнашҡан һәр кемгә рәхмәттән башҡа һүҙ юҡ, ти яҡташтар. “Хәрби хәрәкәттәр ветерандары союзы рәйесе Рөстәм Хөснуллин һәм уның фекерҙәштәре, ярҙамсылары мөһим эште намыҫ менән башҡарҙы”, - тип яҙа “Салауат ерендә” гәзите. Хәрби зоналағы егеттәр яҡташтарына фронттан ҡайнар сәләмдәрен һәм рәхмәт һүҙҙәрен ебәргән. ”Беҙ бергә – көс! Берҙәмлек менән еңәсәкбеҙ!” – тигән улар. Фото: “Салауат ерендә”.