Өфөлә Рәсәй Геройы Максим Серафимов йәшәгән ихатаны төҙөкләндерҙеләр

- Был ихата минең өсөн айырым әһәмиәткә эйә. Бында Рәсәй Геройы Максим Серафимов үҫкән, ул махсус хәрби операция ваҡытында һәләк булды. Бында уның ата-әсәһе йәшәй. Шуға күрә хәрби хеҙмәткәрҙең ҡаһарманлығы иҫтәлегенә ихатаны тәртипкә килтереү мөһим ине, – тип һыҙыҡ өҫтөнә алды Радий Хәбиров. Һуңынан республика етәксеһе Рәсәй Геройы Максим Серафимовтың атаһы Владимир Викторович менән бергә ҙур ағастар ултыртыуҙа ҡатнашты. Яңы «Башҡорт ихатаһы" биләмәһен йәшелләндереү өсөн бөтәһе 80 ҡарағай, миләш, йүкә үҫентеләре әҙерләнгән. Шәфиев урамындағы ихатала төҙөүселәр юлдарға, парковкаларға һәм тротуарҙарға асфальт түшәй, яҡтыртыу һәм видеокүҙәтеү системаларын монтажлай, ер аҫты инженер коммуникацияларын үҙгәртеп ҡора, хәүефһеҙ резина япмалы балалар өсөн уйын майҙансығы ҡуя. Муниципалитет ихата киңлеген яңыртыу концепцияһын урындағы халыҡ менән килешеп башҡара. Өфөнөң Октябрь районы хакимиәте башлығы Сергей Плотников ихатала авария хәлендәге ағастарҙы алып ташлауҙары һәм биләмәне йәшелләндереү өсөн яңы ҡара тупраҡ килтереүҙәре хаҡында Һөйләне. Бынан тыш, йорттарҙа подъездарҙың инеү төркөмдәре ремонтлана, биналарҙың фасад өлөштәре буяла, шулай уҡ тематик граффити һәм арт-объекттар эшләнә. Йорттарҙа йәшәүселәр республика етәкселегенә «Башҡорт ихаталары» программаһын тормошҡа ашырғаны өсөн рәхмәт белдерҙе. Белешмә: 2023 йылда «Башҡорт ихаталары» программаһында Өфөнөң 18 ихата биләмәһе ҡатнаша, улар 61 күп фатирлы йортто үҙ эсенә ала. Уларҙы төҙөкләндереүгә 374,4 миллион һум аҡса бүленгән. 2019 йылдан 2022 йылға тиклем республиканың баш ҡалаһында бөтәһе 155 ихата биләмәһе тәртипкә килтерелде. Проектты тормошҡа ашырыуға республика һәм муниципаль бюджеттарҙан 1,8 миллиард һум йүнәлтелде. https://vk.com/away.php?to=https%3A%2F%2Fglavarb.ru%2Frus%2Fpress_serv%2Fnovosti%2F170591.html&cc_key=