Махсус хәрби операция башланғас та үҙ ирке менән илебеҙҙе һаҡларға барырға йыйынған Айнурға өлөшләтә мобилизацияға саҡырыу ҡағыҙы килә. Һис икеләнмәй яу ҡырына юлланған яугир күптән түгел ҡыҫҡа ваҡытлы ялға ҡайтып төштө. Учалы районында йәшәгән ғаилә интернет селтәрендә тағы бер ҡыуаныслы ваҡиға менән уртаҡлашты. Гуманитар ярҙам йыйыуҙа ҙур көс һалған, ышаныслы тыл булдырған, һәр яҡлап терәк булған кәләше Шәүрәгә Айнур "Һин лайыҡлы!”, тип автомобиль бүләк иткән. Был хаҡта үҙенең Бәйләнештә социаль селтәрҙәге сәхифәһендә Шәүрә Йәнтүрина бүлеште. Баҡтиһәң, уларҙың бергә йәшәүҙәренә быйыл 5 йыл икән. Йәш ғаилә бәхетле ғүмер теләйек! Яугир иҫән-имен хеҙмәт итеп ҡайтһын! Фотолар Шәүрә Йәнтүринаның шәхси архивынан.