Башҡортостан Башлығы Радий Хәбиров, Машина төҙөүселәр көнө айҡанлы, ҡотлау һүҙҙәрен еткерҙе. Унда түбәндәге юлдар бар: – Хөрмәтле дуҫтар! Һеҙҙе һөнәри байрамығыҙ менән ихлас күңелдән ҡотлайым! Машиналар төҙөү тармағы - Башҡортостандың ғорурлығы. Республиканан ситтә лә киң билдәле булған предприятиеларыбыҙ бөгөн дә иҡтисадтың стратегик тармаҡтарын үҫтереүгә, илдең оборона һәләтен нығытыуға, кешеләрҙең йәшәү сифатын арттырыуға ҙур өлөш индерә. Машина төҙөүселәрҙең фиҙакәр хеҙмәте хөрмәт уята. Бында махсус белем, креатив фекерләү һәләте, инновацион технологик алымдар ҡулланыу талап ителә. Белгестәрҙең юғары профессионализмы арҡаһында илебеҙ компаниялары донъя баҙарында уңышлы көнәркәшлек итә, продукцияны экспортҡа сығара. Республика машиналар төҙөү комплексы ветерандарының һәм хеҙмәткәрҙәренең яуаплы һәм һайлаған эшенә тоғро булыуын юғары баһалай. Был сифаттар һеҙгә артабан да төрлө ҡатмарлы бурыстарҙы хәл итергә ярҙам итер, тип ышанам. Ә беҙ үҙ яғыбыҙҙан бөтә башланғыстарҙа ла ярҙам күрһәтәсәкбеҙ, уңышлы эшләү өсөн шарттар тыуҙырыуҙы дауам итәсәкбеҙ. Һеҙгә ныҡлы һаулыҡ һәм именлек теләйем! - тип белдерҙе Радий Фәрит улы. Фото: glavarb.ru