Найти тему
Башҡортостан гәзите

Шахматты ...кейеҙҙән эшләгән

Сибай сәнғәт колледжының «Урал батыр» сәсәндәр мәктәбе етәксеһе, Башҡортостандың атҡаҙанған мәҙәниәт хеҙмәткәре Асия Ғәйнуллина Сибай ҡалаһынан Бөтә Рәсәй “Әйҙә, уйнарға!” фестиваленә шахмат фигуралары һәм шахмат таҡтаһы тәҡдим итте. - Мин кейеҙ баҫыу һәм йөн менән эшләү эшенә бала саҡта уҡ өйрәндем. Һуңғы йылдарҙа улар менән бик ныҡ мауығып киттем. Йорт, интерьер өсөн төрлө изделиелар эшләйем, уйынсыҡтарым да күп. 2015 йылда уҡ минең шахмат фигуралары һәм шахмат таҡтаһы төҙөү идеяһы тыуҙы, 2016 йылда ла уларҙы эшләргә тотондом. Был эште атҡарып сығыу өсөн ике йыл китте, ә уның ҡарауы, балаларға нисек ҡыҙыҡ булыуын күрегеҙ, - ти кейеҙ һәм ҡорама тегеү оҫтаһы. Уларҙан тыш, Асия Солтан ҡыҙы күргәҙмәлә башҡа кейеҙ изделиелар тәҡдим итә, шулай уҡ уйынсыҡтар эшләү буйынса оҫталыҡ дәресе үткәрә. Фестивалдең тулы программаһы менән түбәндәге һылтанма буйынса танышырға була: https://айдаиграть.дети/ Фото: БР Халыҡ ижады үҙәге