Хәниә Фәрхиҙең йырҙарын башҡа артистарға башҡарыуҙы тыйырҙармы?

2017 йылда мәрхүм булған йырсы Хәниә Фәрхиҙең фанаттары башҡа артистар өсөн уның йырҙарын башҡарыуҙы тыйыу һәм уларҙы радиостанция эфирында күрһәтеү тураһында тәҡдимде тикшерә. Шундай башланғыс менән Татарстанда «Тәртип» радиоһының баш мөхәррире Ризәлә Исмәғилева сығыш яһаған. Уның фекеренсә, радиостанция тыңлаусылары композицияны төп нөсхәлә тыңларға тейеш. Уның белдереүенсә, йыр үҙенең “хужаһы» менән ҡалырға тейеш. Шул уҡ ваҡытта башҡа артистарҙың төрлө сараларҙа Хәниә Фәрхинең йырын йырлаясағына юл ҡуйылмауын да белдерә. «Был дөрөҫмө?», «Бик дөрөҫ һүҙҙәр. Тулыһынса ризамын», «Эйе, яҡшы башланғыс», - тигән комментарийҙар тулған “Хәниә Фәрхи иҫтәлегенә” тигән төркөмдә. Йырсы һәм композитор Хәниә Фәрхи 57 йәшендә ҡапыл вафат булды. Уны «татар эстрадаһының примадоннаһы» тип йөрөттөләр. «Әлдермешкә ҡайтам әле»,«Онотолор, тип әйтмә» һәм башҡа бик күп йырҙар уға ҙур популярлыҡ килтерә. Уҙған йылдың майында Башҡортостандың Тәтешле районы Үрге Тәтешле ауылында йырсы иҫтәлегенә һәйкәл асылды. Уйлап ҡараһаң, йырсының йырҙары сәхнәләрҙә яңғырай икән, уның ни насарлығы бар. Киреһенсә, рухы шат ҡалыр ине. Ә һеҙ нисек уйлайһығыҙ? Хәниә Фәрхиҙең йырҙарын башҡа йырсылар йырларға тейешме? Һеҙҙең фекерҙәрегеҙҙе көтөп ҡалабыҙ. Фото: realnoevremya.ru