Халык җәй буе үстергән уңышын акрынлап җыя башлады. Сакларга куйганчы, аннан әле гошер чыгарасы бар.
Лениногорск мөхтәсибәте: "Аллаһ биргән бүләктән өлеш чыгарырга", дип, гошер сәдакасы җыю турында хәбәр итте.
Гошер сәдакасы ул - Аллаһы Тәгаләгә мул уңыш өчен рәхмәт йөзеннән бирелә торган сәдака. гошер сәдакасы турында Коръәннең «Бәкара» сүрәсенең 267 нче аятендә әйтелә.
Пәйгамбәребез Мөхәммәд (с.г.в.) бер хәдисендә: «Җыеп алынган уңышның яңгыр һәм елга сулары белән үстерелгән өлешеннән – уннан бере, ә хезмәт куеп, су ташып үстергәненнән бер өлеше сәдака итеп бирелергә тиеш», – дигән.
Гошер сәдакасы буенча Лениногорск мөхтәсибәтенә Гомәр хәзрәткә шалтыратып белешергә була: 8960 - 071 - 72 - 85