Социаль селтәрҙә туғандар хаҡындағы был йыр ҙур резонанс тыуҙырҙы. Ысынлап та, һуңғы ваҡытта бер туғандарҙың да аралашмауы, дуҫтарҙың һирәгәйә барыуы хаҡындағы төрлө яҙыуҙар күренә, бәхәстәр тыуа. Мәңге дуҫ тип ант иткәндеңЯнда хәҙер һирәге.Минһеҙ йәшәй алғандарҙыңБармы миңә кәрәге?Осрашырға һүҙ бирешкәнДуҫтар ҡалды ҡай тараф?Ауаз һалып, хәбәр көтәм -Тынлыҡ ҡына ҡайтауаз.Ташлашмабыҙ, йөрөшөрбөҙТигән яҡын туғандарОноттолар туғанлыҡты,Мал тип донъя ҡыуалар.Яҙмышты алдарға теләп,Сығабыҙ шул саманан.Ҡәҙерен белер инек тә,Башлап булмай яңынан... Илдар ХАФИЗОВ. Ә һеҙҙең туғандарығыҙ менән араларығыҙ нисек? Туғанлыҡ хисе һаҡланып ҡалғанмы, төп йортта, атай нигеҙендә кем йәшәй? Ошо хаҡта үҙегеҙҙең фекерҙәрегеҙ менән уртаҡлашһағыҙ ине. Фото һәм видео: Инсаф Сәлиховтың "Бәйләнештә"ге сәхифәһенән.