Рәсәйҙә Фән һәм технологиялар ун йыллығы талисманы өсөн онлайн-тауыш биреү бара. 6-15 сентябрҙә талисман.наука.рф сайтында Рәсәй фәне символы өсөн асыҡ тауыш биреп була. Конкурс сайтында бөтә Рәсәйҙән 1,5 мең эш араһынан һайланған иң яҡшы 40 һүрәт күрһәтелгән. Илдең 82 төбәгендә, шул иҫәптән Башҡортостанда йәшәүселәр конкурстың ярымфиналсыһы булды. «Рәсәйҙең 82 төбәгенән мең ярым самаһы кеше үҙҙәренең эштәрен ебәргән. Ҡатнашыусылар араһында өлкәндәр ҙә, балалар ҙа бар. Иң өлкән ҡатнашыусыға - 84, ә иң кесеһенә өс йәш», - тип һыҙыҡ өҫтөнә алды Рәсәй Хөкүмәте рәйесе урынбаҫары Дмитрий Чернышенко. Асыҡ онлайн-тауыш биреү һөҙөмтәһендә һайланған биш иң яҡшы эш Фән һәм технологиялар ун йыллығының Координация комитеты ағзаларына тәҡдим ителәсәк. Еңеүсенең эше иһә ноябрҙә «Сириус»та III Йәш ғалимдар конгресында тәҡдим ителәсәк һәм рәсми Талисман буласаҡ. Фото: https://iriran.ru/node/3094