Մահացել Է Իտալիայի նախկին նախագահ Ջորջո Նապոլիտանոն

Հռոմում 98 տարեկան հասակում մահացել Է Իտալիայի նախկին նախագահ Ջորջո Նապոլիտանոն, հայտնում է ՏԱՍՍ-ը։

Վերջին տարիներին նրա մոտ հաճախակիացել էին առողջական խնդիրները։ 2018 և 2022 թվականներին նա լուրջ վիրահատությունների էր ենթարկվել։

Նապոլիտանոն ծնվել էր Նեապոլում։ 1940-ական թվականներին սկսել էր զբաղվել քաղաքականությամբ, անդամակցել իտալական Կոմկուսին։ Իր կարիերայի ընթացքում նա բազմիցս ընտրվել էր խորհրդարանում։ 1990-ականների երկրորդ կեսին Նապոլիտանոն Իտալիայի ներքին գործերի նախարարն էր։ Երկրի նախագահի պաշտոնը նա զբաղեցրել էր 2006-2015 թվականներին։