Хәйбулла районында “Һаулыҡ һаҡлау” милли проектына (национальный проект "Здравоохранение") ярашлы яңы модулле фельдшер-акушерлыҡ пункттары төҙөлә. Кисә Бәләкәй Арыҫланғол ауылында модулле фельдшер акушерлыҡ пункты үҙ ишектәрен асты. Был ваҡиға «Һаулыҡ Һаҡлау» милли проектының (национальный проект "Здравоохранение") «Беренсел звеноһын яңыртыу» төбәк проектын тормошҡа ашырыу арҡаһында мөмкин булды. Яңы фельдшер-акушерлыҡ пунктының асылыуы - ауыл тормошо өсөн ҙур ваҡиға. Хәҙер ауылда кәрәкле ҡорамалдар менән йыһазландырылған яҡты, йылы, уңайлы медицина учреждениеһы барлыҡҡа килде. Был бинаны асыу табипҡа тиклем медицина ярҙамы күрһәтеүҙән тыш, сирҙәрҙе иҫкәртеү, шулай уҡ халыҡты диспансерлаштырыу менән дә шөғөлләнергә мөмкинлек бирәсәк. Медицина учреждениеһы мөдире, 40 йыллыҡ стажы булған фельдшер Баныу Мөхәмәтова әйтеүенсә, вәзәмдар яңы фельдшер-акушерлыҡ пункты асылыуын түҙемһеҙләнеп көткән. Сөнки элекке бина 40 йылдан ашыу хеҙмәт иткән, һыу ҙа үтмәгән. Бөгөнгө көндә ауылда 230-лап кеше йәшәй. Медицина ярҙамы бик кәрәк, сөнки ауылда күберәк ололар йәшәй. Дөйөм алғанда, һуңғы биш йылда Хәйбулла районында ошо милли проект сиктәрендә ун ике фельдшер - акушерлыҡ пункты асылды. “Һаулыҡ һаҡлау” (национальный проект "Здравоохранение") милли проектына ярашлы, инновациялы медицина технологияларын, шул иҫәптән пациенттың сәләмәтлегенә иртә диагностика һәм дистанцияла мониторинг системаһын индереү, тармаҡта берҙәм дәүләт мәғлүмәт системаһы нигеҙендә медицина ойошмаларының үҙ-ара берҙәм эшмәкәрлеге механизмдарын булдырыу – көн ҡаҙағындағы бурыстарҙың береһе. Фото: Хәйбулла районы хакимиәте сайтынан