Башҡортостан Республикаһы Хөкүмәте Премьер-министры Андрей Назаров Башҡортостан Республикаһы муниципаль райондары һәм ҡала округтары хакимиәттәре башлыҡтары менән кәңәшмә үткәрҙе, унда тамамланмаған төҙөлөш күләмдәрен кәметеү буйынса муниципаль кимәлдә ҡабул ителгән сараларҙы тикшерҙеләр. Башҡортостан Республикаһы территорияһында тамамланмаған төҙөлөш күләмдәрен кәметеү өҫтөнлөклө бурыс булып тора, тип билдәләне Хөкүмәт Рәйесе. - Шуны билдәләп үткем килә: һуңғы ике йылда беҙ был эште ныҡлы тәртипкә һалдыҡ. Тейешле норматив хоҡуҡи базаны раҫланыҡ. Проект-эҙләнеү эштәренең һәм биш йылдан ашыу ваҡыт дауамында объекттар төҙөүгә киткән сығымдарҙың талап ителмәгән һөҙөмтәләрен иҫәптән сығарыу тәртибен билдәләнеләр. Һөҙөмтәлә муниципаль кимәлдә тамамланмаған төҙөлөш объекттарының һаны 79,3 процентҡа кәмегән. Ярты йыл эсендә бындай объекттар һаны 117-гә кәмегән, - тип билдәләне Башҡортостан Республикаһы Хөкүмәте Премьер-министры Андрей Назаров. Хөкүмәт Премьер-министрының беренсе урынбаҫары -