4 сентябрҙә Башҡортостан Башлығы Радий Хәбиров уҙғарған оператив кәңәшмәлә урып йыйыу кампанияһы барышы ҡаралды. Вице-премьер – республиканың ауыл хужалығы министры Илшат Фәзрахманов хәбәр итеүенсә, 4 сентябргә төбәктә иген һәм ҡуҙаҡлы культураларҙы тулайым йыйыу 2,5 миллион тонна тәшкил иткән. Яҡынса иҫәпләүҙәр буйынса, баҫыуҙарҙа йыйыу өсөн 1 миллион тонна самаһы уңыш ҡалған. 36 муниципалитет аграрийҙары май бирә торған культураларҙы урып-йыйыуға төшкән һәм сәсеү майҙандарының яҡынса 10 процентын эшкәрткән. Әлшәй, Дәүләкән һәм Кушнаренко райондары хужалыҡтары шәкәр сөгөлдөрөн йыя башланы. Илшат Фәзрахманов республика элеваторҙарының тулы ҡеүәтенә эшләй башлауын билдәләне. – Беҙ элеватор ҡеүәтен арттырыу кәрәклеге тураһында тәүге йыл ғына һөйләмәйбеҙ, – тине Радий Хәбиров. – Тейешле республика программаһын әҙерләү тураһында уйларға ваҡыт. Кәңәшмәлә шулай уҡ 2 сентябрҙә Өфөлә Ағиҙел йылғаһы буйында уҙған “Һөт иле” фестиваленә йомғаҡ яһалды. Вице-премьер әйтеүенсә, сарала 62 мең ҡунаҡ б