Башкортстанның Чакмагыш районының Яңа Балтач авылында 3 яшьлек кыз янгында һәлак булган. Бу турыда тикшерүчеләргә сылтама белән «Башинформ» хәбәр итте.
Баланың мәетен янган мунча эчендә тапканнар.
«Якынча ачыкланганча, 3 сентябрьдә Яңа Балтач авылында 3 һәм 5 яшьлек ике бала өй тирәсендә уйнап йөргән чакта газ горелкасын тапкан һәм ялгыш кына печәнгә ут төрткәннәр. Ут каралты-курага күчкән. 3 яшьлек кыз мунчага кереп качкан. Янгын сүндергәндә аның мәетен тапканнар», – дип әйткәннәр Тикшерү идарәсенең матбугат хезмәтендә.
Урынга тикшерүчеләр барган. Хәзер тикшерү эшләре бара, диелә хәбәрдә.