Башҡортостан Республикаһы Благовещен ҡалаһының үҙәк дауаханаһы эндоскоптарҙы — кешенең ҡыуыш эске ағзаларын, шулай уҡ ҡорһаҡ һәм тәндең башҡа ҡыуышлыҡтарын тикшереү һәм дауалау өсөн ҡулланылған аппараттарҙы һаҡлау һәм эшкәртеү өсөн приборҙар алды, тип хәбәр иттеләр төбәктең Һаулыҡ һаҡлау министрлығынан. Ҡорамалдар “Һаулыҡ һаҡлау” милли проекты (нацпроекту “Здравоохранение”) ярҙамында һатып алына. "Оҙаҡ ваҡыт файҙаланыу өсөн эндоскоп дөрөҫ ҡулланыуҙы һәм һаҡлауҙы талап итә. Төрлө типтағы эндоскопик ҡорамалдарҙы эшкәртеүҙең заманса алымдарын ҡулланыу ФГС аппараты деталдәрен профессиональ ҡарау мөмкинлеген бирә, шулай уҡ хеҙмәткәрҙәрҙең дезинфекциялы эретмәләр менән бәйләнеш ваҡытын кәметә, был дауахана персоналының һаулығы өсөн ыңғай күренеш булып тора», — тип һөйләне учреждениеның баш табибы Жанна Карунас. Учреждениеға автоматлаштырылған киптереү һәм приборҙарҙы һаҡлау ҡоролмаһы, шулай уҡ һығылмалы эндоскоптар өсөн йыуыу-дезинфекциялау репроцессоры килә. Ҡорамалдың стериллегенә пациенттың һаулығы һәм хәле туранан-тура бәйле, сөнки һығылмалы эндоскоптар ҡулланғанда билдәле бер хәүеф бар. Мәҫәлән, һаҡлау һәм эшкәртеүҙә хаталар булғанда инфекция тыуҙырыусыларҙы йоҡтороу мөмкинлеге бар. Яңы ҡоролмалар барлыҡҡа килеү менән һәр аппаратты таҙартыу процесы күпкә ябайлаша. Приборҙар максималь стериллек кимәлен тәьмин итә һәм бүлексәнең өҙлөкһөҙ эшләүен ойошторорға мөмкинлек бирә. Рәсәй Федерацияһының Һаулыҡ һаҡлауҙың беренсел звеноһын модернизациялау федераль проекты 2022 йылдан Һаулыҡ Һаҡлау милли проекты буйынса тормошҡа ашырыла. Уның маҡсаты — халыҡтың бөтә төркөмдәренең ихтыяждарынан сығып, йәшәү, уҡыу йәки эш урыны янында медицина ярҙамы күрһәтеүҙе ойоштороу. РФ Президенты Владимир Путин инициативаһы менән милли проекттар 2019 йылда старт ала. Фото: health.bashkortostan.ru/presscenter/news/564284/