Рәсәйҙең министры урынбаҫары ҡатнашлығында кәңәшмә үтте

Башҡортостан Республикаһы Хөкүмәте Рәйесе Андрей Назаров Рәсәйҙең фән һәм юғары белем биреү министры урынбаҫары Айрат Ғәтиәтов менән берлектә кәңәшмә үткәрҙе. Кәңәшмә барышында юғары уҡыу йорттары араһындағы студенттар кампусын төҙөү барышы тикшерелде. Өфөлә юғары уҡыу йорттары араһындағы студенттар кампусын булдырыу юл картаһына ярашлы ике өлөштә тормошҡа ашырыла. Беренсе сиратта бинаның бөтә ҡаттарында колонналар нығытыла, биҙәү эштәре алып барыла, кәртәләр һәм инженер селтәрҙәре монтажлана, лифт урындары уйыла. Әле биләмәне икенсе сиратҡа әҙерләү тамамлана. Айрат Ғәтиәтов алып барылған эшкә яҡшы баһа бирҙе һәм кампус нигеҙендә Инновациялы фәнни-технологик үҙәк булдырыу мәсьәләһен өйрәнергә тәҡдим итте. Юғары уҡыу йорттары араһындағы кампус киләсәктә Евразияның донъя кимәлендәге фәнни-тикшеренеү үҙәген үҫтереүҙең төп драйверы, республикала фән, инновациялар, технологиялар өлкәһендәге иң ҡыйыу проекттарҙы тормошҡа ашырырға ярҙам итәсәк һәм бөтә Евразиянан талантлы тикшеренеүселәр өсөн йәлеп итеү урыны буласаҡ. Сығанаҡ: https://vk.com/agnazarov