Найти в Дзене
Башҡортостан гәзите
421 подписчик

"Рәсәй почтаһы"ның хеҙмәттәре арта

1 мин
Бөгөн Башҡортостан Башлығы Радий Хәбиров уҙғарған оператив кәңәшмәлә республиканың ауыл-ҡалаларында почта бүлексәләре селтәрен яңыртыуҙы тикшерҙеләр. Рәсәй Президенты Владимир Путиндың ҡушыуы буйынса төбәктә почта бүлексәләре әүҙем яңыра, тип хәбәр итте “Рәсәй почтаһы”ның Башҡортостан буйынса идаралығы директоры Ленард Шафиҡов. Шулай, 2022 йылда 15 муниципалитетта 20 объект файҙаланыуға тапшырылды, уларҙың барыһы ла яңы форматта эшләй. 2023 йылға планда – тағы 35 бүлексәне яңыртыу. Республика был маҡсатҡа 238 миллион һум алды. – Республикала ауыл почта бүлексәләрен яңыртыу программаһы ҙур әһәмиәткә эйә, – тине Ленард Шафиҡов. – Башҡортостан – Рәсәйҙең почта бүлексәләре һаны буйынса иң ҙур төбәге, уларҙың һаны – 1 280. Шул уҡ ваҡытта 80 проценттан ашыуы ауыл ерендә урынлашҡан – был 1,5 миллион кешене хеҙмәтләндергән 1 030 почта бүлексәһе. Яңыртылған офистарҙа ремонт эшләнгән, йыһаздар һәм ҡорамалдар һатып алынған. Ишек төбөндә мөмкинлектәре сикләнгән кешеләр һәм коляскалы әсәләр өсөн па

Бөгөн Башҡортостан Башлығы Радий Хәбиров уҙғарған оператив кәңәшмәлә республиканың ауыл-ҡалаларында почта бүлексәләре селтәрен яңыртыуҙы тикшерҙеләр. Рәсәй Президенты Владимир Путиндың ҡушыуы буйынса төбәктә почта бүлексәләре әүҙем яңыра, тип хәбәр итте “Рәсәй почтаһы”ның Башҡортостан буйынса идаралығы директоры Ленард Шафиҡов. Шулай, 2022 йылда 15 муниципалитетта 20 объект файҙаланыуға тапшырылды, уларҙың барыһы ла яңы форматта эшләй. 2023 йылға планда – тағы 35 бүлексәне яңыртыу. Республика был маҡсатҡа 238 миллион һум алды. – Республикала ауыл почта бүлексәләрен яңыртыу программаһы ҙур әһәмиәткә эйә, – тине Ленард Шафиҡов. – Башҡортостан – Рәсәйҙең почта бүлексәләре һаны буйынса иң ҙур төбәге, уларҙың һаны – 1 280. Шул уҡ ваҡытта 80 проценттан ашыуы ауыл ерендә урынлашҡан – был 1,5 миллион кешене хеҙмәтләндергән 1 030 почта бүлексәһе. Яңыртылған офистарҙа ремонт эшләнгән, йыһаздар һәм ҡорамалдар һатып алынған. Ишек төбөндә мөмкинлектәре сикләнгән кешеләр һәм коляскалы әсәләр өсөн пандустар ҡуйылған, персоналды саҡырыу төймәләре монтажланған. Бынан тыш, бүлексәләрҙә тәҡдим ителгән хеҙмәттәр ассортименты киңәйтелде. Почта клиенттары бында “Дәүләт хеҙмәттәре” порталында иҫәп яҙмаһын раҫлай, кәрәк булһа, температураны, баҫымды һәм сатурацияһын үлсәргә мөмкин. – Ауылда почта бүлексәләрен яңыртыу программаһы ҙур һорау менән ҡуллана, ул республикала яҡшы эшләй. Әммә мәсьәләләр ҡала һәм беҙ уларҙы яйлап хәл итәсәкбеҙ, – тине Башҡортостан Башлығы Радий Хәбиров. – Был республика халҡы өсөн мөһим тема. Муниципалитет хакимиәттәре етәкселәренең “Рәсәй почтаһы” идаралығы менән әүҙемерәк эшләүҙәрен һорайым. 2022 йылда Нефтекамала, Әбйәлил, Әлшәй, Благовещен, Дүртөйлө, Ҡырмыҫҡалы, Краснокама, Көйөргәҙе, Стәрлетамаҡ, Тәтешле, Туймазы, Өфө, Учалы, Федоровка, Хәйбулла райондарында 20 яңыртылған почта офисы эшләй башланы. 2023 йылда Әбйәлил, Асҡын, Ауырғазы, Баймаҡ, Белорет, Бөрө, Бүздәк, Борай, Дәүләкән, Илеш, Ҡариҙел, Ҡырмыҫҡалы, Кушнаренко, Көйөргәҙе, Салауат, Стәрлетамаҡ, Туймазы, Фёдоровка, Хәйбулла, Саҡмағош, Шаран, Яңауыл райондарында 35 объектты яңырталар. Фото: Башҡортостан Башлығы сайты.