ПЛЯСКИ, ИГРИЩА, ПЕСНИ, ГУСЛИ, ШАХМАТЫ – ЕЛЛИНСКОЕ БЕСНОВАНИЕ
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для ленивых во вред):
Ответ о игрищах еллинскаго бесования. Глава 92.
Еще же мнози отъ неразумения простая чадь, православныхъ християнъ, во градех и в селехъ творятъ еллинское бесование различьные игры и плескание противъ праздника рождества великого Иоанна Предтечи и в нощи и на самои праздникъ въ весь день и нощи мужи и жены и дети в домехъ и по улицамъ обходя и по водам глумы творятъ всякими играми, и всякими скомрашьствы и песньми сотониньскими и плясанми и гусльми и иными многыми виды и скаредными образовании, еще же и пиянъствомъ подобна же сему творятъ во днехъ и в навечерии рождества Христова и в навечерии Василиа Великаго и в навечерии богоявлениа, а инде инымъ образомъ таковыя неподобныя дела творятъ, в троецкую суботу и заговевъ Петрова поста в первои понеделникъ ходятъ по селомъ и по погостомъ и по рекамъ на игрища тая жде неподобная еллинская бесованиа творятъ, и темъ Бога прогневаютъ в не видь согрешаютъ простая чадь никимъ же возбраняеми и обличаеми ни запрещаеми, ни от священникъ наказуеми, ни от судеи устрашаеми таковая творятъ неподобная дела святыми отреченная, вместо же сего бесованиа отныне и впредь подобаетъ православнымъ хрестианомъ на таковыя святыя и честныя праздники и посты, к церквамъ Божиимъ на молитвы упражнатися и песньми божественными услажатися и святаго почитаниа Божественнаго со вниманиемъ слышати и на Божественныхъ литоргиахъ со страхомъ предстояти и потомъ брашномъ и питиемъ в домехъ своихъ учреждатися въ купе о Бозе ликоствующе священническимъ чиномъ, и съ други своими, и маломощныхъ питающе и веселящися въ славу Божию не во пианство якоже и прочие господрьские праздники, и того ради по священнымъ правиломъ, и по заповеди святыхъ отецъ отныне и въ передь всемъ православнымъ христианомъ на таковая древняя еллинская бесовая не исходити ни во градехъ, ни по селомъ ни по рекамъ, и о томъ благочестивому царю по всемъ градомъ и по селомъ своя царская заповедь учинити чтобы православныя христиане на таковое бесование еллинское впредь не исходили, и чтобы то еллинское бесование отныне и впередь Божиею благодатию и въ твое христолюбиво царство попрано было до конца, и о томъ о всемъ еллинскомъ бесовании и игрании сведетелство отъ священныхъ правилъ, сице написахомъ, Святаго вселенского шестаго собора правило, 50, и, 51, запрещаетъ всяко играние.
Толкование
Пятьдесятное убо правило, собора сего, возбраняетъ играти всемъ и причетникомъ и мирскимъ человекомъ, зернью и шахматы и тавлеями, и влириами рекше костми, и прочими таковыми играми, 51, правило, всякое играние возбраняетъ и отметаетъ и причетникомъ и простымъ людемъ, такожде и въ пианство не предаде бо Господь Бог пити вина в пианство но в веселии, иже в печали сущимъ и въ жестокихъ скорбехъ превыющимъ и многым попечениемъ утомляющимся, или во многихъ болезнехъ на здравие сущимъ или на мало отдохновение въ великихъ недузехъ изнемогающимъ люто бо есть пианство сего ради отреченно бысть, не упиваитеся бо рече виномъ в немъ же есть блудъ но и отъ корчемническаго деланиа и служениа клирицы возбраняются по, 9, му правилу тогоже святаго шестаго собора, празность бо и пианьство, и играние всему злу начало есть и погубление велие, сего ради отрицаютъ вся Божественая писаниа и священная правила всякое играние и зерни и шахматы и тавлеи и гусли и смыки и сопели, и всякое гудение и глумление и позорища и плесание. Рече бо Господь горе вамъ смеющимся ныне яко возрыдаете и восплачетеся. И святыхъ апостолъ правило, 42, и 43, глаголетъ епископъ или прозвитеръ, или диаконъ на игры упражняяся и на пианство или да престанет, или да извержется такоже и поддиаконъ или чтецъ или певецъ творяи или да престатъ или да извержется такоже и простыи человекъ, и новая заповедь глаголетъ, аще епископъ или прозвитеръ или дияконъ, и прочии от причетникъ игры творяи, или приобшаяся играниа творящимъ, или приседя или позоръ, или ловъ зряи отлучается всякиа священныя службы и пищи даяниа своего лишается и уставляетжеся ему время некое к покаянию, и аще достоинъ внутрь времяни явится покаявся, паки приходитъ во свои степенъ, милости бо ради и человеколюбиа Божиа сподобляется паче священническаго степени въ немже аще кто бысть, аще ли же по времени покаяниа, в таковая же возвращается и упражняется совершенно изгоняется от причта. И паки въ новыхъ глаголетъ второе завещание перваго гранесии, на три лета темъ отъ службы отлучатися и покаяниемъ очищатися и тако въсходити на священныя своя степени, съкращаетжеся темъ и умаляется время покаяниа, милости ради Божиа и человеколюбиа, аще во страсе Божии пребудутъ, писано бо есть страхомъ Господнимъ всякъ уклоняется от зла.
P.S. Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить - мы можем ошибаться, не принимайте наш текст за Правду Божию!
Источник: Ф.173/I №194. Стоглав, об. 264.
С уважением ко всем ищущим Правду,
Читатель-редактор.
Слава Господу Исусу Христу!
