Кисәге көндә республика юлдарында булған аварияларҙа кешеләр ғүмерҙәре өҙөлдө. Иң аяныслыһы – улар башлыса йәштәр. Бөрө районында авария киске һигеҙҙәр тирәһендә Өфө – Яңауыл трассаһының 79-сы километрында булды. Бында бер-береһенә ҡаршы килгән Кiа Riо менән Nissan X-Trail автомобилдәре бәрелешкән. “Яңауылда йәшәгән 18 йәшлек пассажир ҡыҙ бик ауыр йәрәхәттәр алған һәм һәләк булды. Ике машина кешеләренә лә медицина ярҙамы талап ителде. Һуңғараҡ дауаханала 22 йәшлек Балтас егетенең йән биреүе асыҡланды. Ул Кiа Riо машинаһы водителе”, – тинеләр ЮХХДИ-ла. Әлеге ваҡытта аварияның сәбәптәре асыҡлана. Икенсе үлемесле авария Өфө – Инйәр – Белорет юлында кисә көндөҙ булды. Бында “БМВ X4” менән шул уҡ рәттән барған “Форд Фьюжн” машиналары бәрелешкән. Һөҙөмтәлә “Форд” водителе, 32 йәшлек Учалы районы кешеһе табиптар килгәнсе йән биргән. Уның пассажирҙары 34 йәшлек ҡатын менән 12 йәшлек малай йәрәхәттәр алған, әле улар дауаханала. Ҡыҙғанысҡа ҡаршы, аварияларҙа кешеләр үлеүен дауам итә. Шуға күрә х