Мәсетле районының Яңы Яуыш ауылы кешеһе Юрик Хилаж улы Диновты тирә-яҡта аҡһаҡал, урындағы мәсеткә нигеҙ һалыусы булараҡ беләләр. Ул ауылының йәмәғәт тормошонда һәр ваҡыт әүҙем ҡатнаша, сәйәси сараларға бик етди ҡарай һәм бер ҡасан да һайлауҙан ситтә ҡалмай. Һәр ваҡыт кандидаттарҙы ентекләп өйрәнә, балаларҙы гражданлыҡ бурысын үтәүгә яуаплы ҡарарға өйрәтә. Бөгөн иртә менән Юрик Хилаж улы һайлауға буш ҡул менән бармаған. Ул махсус хәрби операцияла ҡатнашыуысыларға 100 килограмм бал килтереп тапшырған. Билдәле булыуынса, Яңы Яуыш ауылынан бер кеше махсус хәрби операцияға мобилизация буйынса, икәү доброволец булараҡ киткән, алты кеше контракт төҙөгән. Фото: шәхси архивтан.