49 районда һайлаусыларҙың әүҙемлеге 50 проценттан ашыу тәшкил иткән

Башҡортостан Республикаһында Берҙәм тауыш биреү тамамланды. Үҙәк һайлау комиссияһы мәғлүмәттәре буйынса, 20.00 сәғәткә мәғлүмәттәр буйынса 1 миллион 430 мең 87 һайлаусы тауыш биргән, был исемлеккә индерелгәндәрҙең 47,8 процентын тәшкил итә. Был хаҡта 10 сентябрҙә брифингта Башҡортостан Республикаһы Үҙәк һайлау комиссияһы секретары Марина Долматова хәбәр итте. – 49 районда һайлаусыларҙың әүҙемлеге 50 проценттан ашыу тәшкил итте, шуларҙың 12-һендә – 70 проценттан ашыу. Әлеге ваҡытта бөтә һайлау участкаларында һайлау процесында ҡатнашыусылар өсөн берҙәм тауыш биреү көнөнөң күптән көтөлгән этабы – дөйөм һайлау һөҙөмтәләренең нигеҙе булған тауыштарҙы иҫәпләү башлана. Тауыштарҙы иҫәпләү ҙә бер нисә этаптан тора, һәр этап тамамланғас, протоколдарҙың тейешле юлдары һәм уларҙың ҙурайтылған формалары тултырыла, – тине Башҡортостандарҙың Үҙәк һайлау комиссияһы секретары. Фото: vk.com/clubbashkortostanizbirkom