Башҡортостан дауаханаларында 28 ваҡытлыса һайлау участкаһы ойошторолған

Берҙәм тауыш биреү көнөндә Башҡортостанда пациенттар һәм медицина персоналы өсөн тауыш биреү өсөн 28 ваҡытлыса һайлау участкаһы ойошторолған. Был хаҡта Өфөләге “Һайлау-2023” Йәмәғәт матбуғат үҙәгендә үткән брифингта Башҡортостан Һаулыҡ һаҡлау министрлығының ғәҙәттән тыш хәлдәр министрлығы ҡарамағындағы мобилизация әҙерлеге һәм медицина ярҙамын ойоштороу бүлеге начальнигы Тимур Екимов хәбәр итте. "Дауаханаларҙа пациенттар ҙа, эш урынын ҡалдыра алмаған медицина персоналы ла тауыш бирә ала», - тип билдәләне һаулыҡ һаҡлау министрлығы вәкиле. Тимур Екимов әйтеүенсә, 10 сентябрҙә Дәүләт Йыйылышы – Ҡоролтай депутаттарын һайлау барышында республиканың медицина ойошмалары базаһында граждандар йәшәгән урын буйынса 96 һайлау участкаһы ойошторолдо. Был медицина колледждары, фельдшер-акушерлыҡ пункттары һәм башҡа майҙансыҡтар. 13-сө ҡала дауаханаһының баш табибы Булат Ғарифуллин һүҙҙәренсә, медицина учреждениеһы майҙансығында тауыш биреү әүҙем бара. “Процент нисбәтендә был республика буйынса уртаса статистик һайлау участкаһына ҡарағанда бер аҙ юғарыраҡ”, - тип билдәләне дауахана етәксеһе. Иҫегеҙгә төшөрәбеҙ, бөгөн, 10 сентябрҙә, Башҡортостан халҡы вәкәләттәре биш йыл дауам итәсәк VII саҡырылыш Башҡортостан Респкубликаһы Дәүләт Йыйылышы – Ҡоролтайға 110 депутат һайлай. Бынан тыш, Берҙәм тауыш биреү көнө сиктәрендә Межгорье ябыҡ административ округы, Шишмә һәм Приют ҡасабалары, шулай уҡ төбәктең ҡайһы бер ауыл биләмәләре советтарына урындағы үҙидаралыҡтың вәкәләтле органдарына депутаттар һайлай. Һайлаусы, һеҙҙе участка һайлау комиссияларында көтәләр! Фото: “Һайлау-2023” Йәмәғәт матбуғат үҙәге.