Көбінесе болашақ жұлдыздар мектепті жек көретін. Ал жасөспірім үшін сабақтан, ұстаздан және үй тапсырмасын істеу қызықсыз дүние жоқ. Осы топтамада мектеп туралы және оқуға арналған қандай әндер бар екенін еске түсірейік.
Elvis Presley - «Steadfast Loyal and True»
Топтамамызды рок-н-ролл патшасы Элвис Пресли бастайды. Ол үшін мектеп сахнасы әлемдік даңққа жету жолындағы бірінші шыңы болды. Бұл оқиға мектептегі дарындар байқауында болды.
«Ол тақтаға гитарамен шығып, бастапқы аккордтарды тартқан кезде, мектеп оқушылары кенет тынышталып, оның әуенінің ырғағымен биле бастады, - деп есіне алады Элвистің мұғалімдерінің бірі. - Ол ән айтып болған кезде, үнсіздік орнап, кейін бәрі ду қол шапалақтады».
«Steadfast Loyal and True» әні мектеппен қоштасу туралы, оралмайтын кез туралы әуен. «Қош бол, альма матер, біз сені еске алып отырамыз, сенің нұрың бізге әрқашан жол көрсетеді».
Amre - «Кластастар»
Келесі ән Ернар Садырбаевтің «Кластастар» әні. Ернар көпшілікке AMRE деген лақап атпен танылған, осыған дейін «Славян базары» байқауында топ жарған еді. Садырбаев өзінің сахналық атын Еуропадағы қазақ мәдениетінің алғашқы вокалдық елшісі саналатын драмалық тенор Әміре Қашаубаевтың құрметіне алды.
Скрябін - «Випускний»
Келесі әнді Скрябин тобы орындайды. Бұл ұжым мен жақсы көретін украин ұжымдарының бірі. 9 және 11 сынып оқушыларына арналған көңіл жібітетін ән, өйткені олар көп ұзамай мектептен кететін болады.
Alice Cooper - «School's Out»
Ұлы және қорқынышты Элис Купер 1974 жылы жазылған «Schools Out» альбомы мектепке арнады. Бұл еңбектері керемет жетістікке жетті. Әрине, альбомдағы барлық әндер оқу тақырыбына қатысты. Топ мүшелері шимайлап тастаған мектеп партасы Берлиндегі Hard Rock Cafe-де құрметті экспонат ретінде қойылған.
Chuck Berry - «School Days»
Келесі ән өте ескі, оны Чак Берри орындайтын. Бұл трек мектеп өмірінің қасіреті мен қуанышын баяндайды. Мағынада сабақта отырудың қаншалықты қызықсыз екенін туралы, мектепті сәтті аяқтау үшін тапсырмаларды жаттау керек екендігі туралы айтылады.
Moldanazar - «Мектепте»
Тағы бір керемет қазақша композиция. Бұның авторы танымал Молданазар. Биыл әншінің «Көгершін» композицияға түсірілген бейнебеяны елді шулатқан еді, өйткені қазақстандық әртіс Малик Зенгер Cannes World Film Festival фестивалінде «музыкалық бейнебаянның үздік режиссері» атағына ие болды. Ал қазір сіздердің назарларыңызға "Мектепке" әні.
Pink Floyd - «Another Brick In The Wall»
Заманымыздың ең жарқын ұжымдарының бірінің «Wall» атты альбомы барлық мемлекеттік және қоғамдық институттарды, яғни отбасыны, саясатты, қоғамды айыптайды. Ал «Another Brick In The Wall» әнінде білім беру жүйесі туралы айтылған. Мұғалімдер – садистер, сыныптастар – топас жағымпаздар, оқулықтар – пайдасыз білімдер жинағы. Мектеп балаларды ерекше қасиетінен айырады, оларды біртекті адам тұлыпына айналдырады. Мәтінінің мағынасы сондай.
Көптеген елдерде бұл наразылық көрсететін әніне айналды, ал Оңтүстік Африкада үкіметтің арнайы қаулысымен орындауға тыйым салынды.
BN - «Мектеп»
BN тобы туралы мен ештеңе білмеймін, бірақ «Мектеп» атты бейнебаяны керемет екен. Көріңіз де ляззат алыңыздар.
Nirvana - «Smells Like Teen Spirit»
Ал мынау ән сіздерге белгілі. Сіз оны жақсы көрмесеңіз де, бәрі бір естідіңіз ғой?
Бұл тректің мағынасы мектеп туралы болмаса да, бірақ тақырыбы өте жақын - жасөспірімдік революция туралы. Тіпті бейнебаяны да түсірілген кезде, интерьері мектеп спортзалына ұқсас жасаған.
Земфира - «Не отпускай»
Земфираның "Не отпускай" әні мектеп туралы болмаса да, мен оны тыңдаған кезде мектеп кездері есіме түседі. Трек 2000 жылы "Прости меня моя любовь" альбомында жарияланған еді. Ол кезде мен мектепті бітірген болатынмын, бірақ осы композиция неліктен маған мектепті еске түсіретіні білмеймін. Мүмкін мектеп мені ол кезде "жібермей" тұрған шығар.
Осымен біздің топтамамыз біті. Сіздің пікіріңіз қандай? Қандай әндер мен әуендер сіздерге мектеп кездерін еске түсіреді? Астына пікір жазып, кластастарыңызбен бөлісіңіз!