Найти тему
Башҡортостан гәзите

Ә һеҙгә “Өй икмәге” оҡшаймы?

Гәзиттең шиғырҙар бәйгеһе тамамланыр алдынан тағы бер бәйгесе менән танышып, тауыш биреп өлгөрөгөҙ. Һәм уның шиғырына яҙылған йырҙы тыңлап ял көндәрен күңелле кәйефтә үткәрегеҙ, дуҫтар! Авторға бында тауыш бирергә була: https://vk.com/app7198399_-104965500#poll64dca07757c133552b04cf2c Таңсулпан Рәсүл. Бөрйән районы Иҫке Мөсәт ауылында донъяға килгән. Баймаҡ ауыл хужалығы техникумында агроном һөнәрен ала, Көньяҡ Ҡаҙағстандың Төркистан ҡалаһында Ә. Ясави исемендәге халыҡ-ара ҡаҙаҡ-төрөк университетында белем ала. 2009 йылда Сибайҙа үткән төбәк-ара шағирҙар бәйгеһенең, 2013 йылда “Ҡош юлы” республика бард фестивалендә шағирҙар бәйгеһенең тәүге еңеүсеһе. 2009-2010 й.й. уҡыуҙағы һәм ғилми-тикшеренеү эшендәге юғары ҡаҙаныштары өсөн Башҡортостан Республикаһы Президенты стипендиаты. 2020 йылда Халыҡ-ара М.Ҡашғари хикәйәләр бәйгеһендә Башҡортостан буйынса II урын ала. Шулай уҡ ҡаҙаҡ шағиры Саят Ҡамшыгерҙың өс телдә сыҡҡан "Һиңә" исемле шиғырҙар китабында ҡаҙаҡсанан шиғырҙар тәржемәһе урын алһа, Евразия яҙыусылар берлегенең ярты йыллыҡ “Төрөк теле төрөксәһе” курсын тамамлап С1 кимәлендәге халыҡ-ара сертификатҡа эйә булды. Бөгөнгө көндә ул - И. Ғиззәтуллин исемендәге әҙәби премия лауреаты. “Ышаныу”, “Атай, һине күрҙем...” шиғри йыйынтыҡтар авторы. “Башҡортостан” гәзитендә эшләй. ** ** Күңелемдең буранына еткән Мин бурандар әле күрмәнем. Үкенесле үткәндәрҙе иҫләп Йөрәгемде игәй күргәнем. Яҙмышымдың бик ҡойонло мәле Хәтер булып ҡайта хаталар. Йөҙ ғүмерем бирер инем, таңдар, Шул уҡ таңдар кире атһалар. Мин ҡайтыр ҙа инем үткәндәргә, Бикләр инем иләҫ йөрәкте. Кешелектең, ҡаҡмаҫ инем, бәлки, Ишектәрен, еңеп йөрьәтте. Ҡаҡмаҫ инем тәҡдир тәҙрәләрен Ғәмәл дәфтәрҙәрен ҡаралап, Күңелдәрҙе һаҡлар ине яҙмыш Сәсрәп ярылыуҙан аралап. Үкенескә, ғүмер уҙып бара, Үкенескә манып күргәнен... Күңелемдең ярһыу буранынан Мин көслөрәк буран күрмәнем... Ә иһә барлыҡ бәйгеселәрҙең дә шиғырҙарын бында ҡарарға: https://bashgazet.ru/articles/-bi-t-m-m-ni-t/2023-08-16/may-anda-sha-ir-ar-3390917 Һәм тауыш бирергә була: https://vk.com/app7198399_-104965500#poll64dca07757c133552b04cf2c Тауыш биреү бөгөн, йәғни 27 августа, 21:00 сәғәттә туҡтатыласаҡ. Иҫкәрмә: еңеүсене билдәләгәндә “Башҡортостан” гәзите төркөмөнә яҙылғандарҙың тауышы ғына иҫәпкә алынасаҡ. Ашығығыҙ, яратҡан шиғырығыҙға тауыш биреп өлгөрөгөҙ, дуҫтар!