Башҡортостан Республикаһы көндәрендә республиканың туристик ҡеүәте менән таныштырыу сиктәрендә Санкт-Петербургта туризм өлкәһендә бер нисә килешеүгә ҡул ҡуйылды. Уларҙың береһен Санкт-Петербургтың туризмды үҫтереү буйынса комитеты рәйесе урынбаҫары Нана Гвичия һәм БР эшҡыуарлыҡ һәм туризм министры урынбаҫары Азамат Ғәлин төҙөнө. – Һеҙҙе Санкт-Петербургтың үҙәгендә – Рәсәйҙең иң матур ҡалаларының береһендә сәләмләүемә бик шатбыҙ, – тип мөрәжәғәт итте ҡунаҡтарға Нана Гвичия. – Һеҙгә мәҙәниәтегеҙгә, үҙегеҙ менән килтергән тарихи артефакттарға ҡағылыу мөмкинлеге өсөн ихлас рәхмәт белдерәбеҙ. Үҙебеҙҙе ҡунаҡсыл республикабыҙҙа кеүек тойҙоҡ. Нана Гвичия Башҡортостан халҡына һәр саҡ үҫешергә һәм мәҙәниәтен һаҡлап ҡалыуҙы теләне. Азамат Ғәлин, үҙ сиратында, хужаларға Башҡортостандың туристик потенциалын күрһәтеү мөмкинлеге өсөн рәхмәт әйтте: – Ҡайһы бер проекттарыбыҙҙы күрһәттек һәм Санкт-Петербургтың туристик бизнесына ҡыҙыҡлы булыуыбыҙҙы күрҙек, – тип билдәләне ул. – Яуап реакцияны күрәм, һәм был бик шатландыра! Артабан да һеҙҙең менән осрашырбыҙ. Өфөнөң 450 йыллығына килегеҙ, икмәк-тоҙ, сәк-сәк һәм ҡымыҙ менән ҡаршы алырбыҙ! Александр Данилов фотоһы.