Бөгөн Башҡортостан Башлығы Хакимиәте етәксеһе Максим Забелин социаль селтәрҙә пост ҡалдырҙы. Был кешеләр МХО-ла ҡатнашыусыларға ярҙам итә, тине ул. “Нефтекамала республикала тәүгеләрҙән булып махсус хәрби операцияла ҡатнашыусыларға ярҙам үҙәге асылды. Бында Миңлеғәле Шайморатов исемендәге ирекмәндәр штабы ла әүҙем эшләй. Үҙәктең координаторҙары һәм штаб ирекмәндәре менән аралаштым. Беҙҙең йәмәғәтселәр – ярҙамсыл һәм эскерһеҙ кешеләр, яугирҙәргә һәм уларҙың ғаиләләренә ярҙам итә, социаль ярҙам мәсьәләләрен хәл итә. Дөйөм еңеүебеҙ өсөн барыһын да бергәләп эшләрбеҙ тип ышанам”, – тине ул. Фото: "Бәйләнештә"ге М. Забелиндың сәхифәһенән.