Өфө ҡалаһынды йәшәүсе Гүзәл Байғусҡарова уҡыусыларыбыҙға төрлө тәмле рецепттары менән таныш. Буш ваҡыттарында уңған хужабикә яҡындарын тәмлекәстәр бешереп һыйларға ярата. Бөгөн ул ҡара ҡарағатлы пирог тәҡдим итә. Әйҙәгеҙ, беҙ ҙә бешереп ҡарайыҡ. Беҙгә кәрәк: 140 грамм тирәһе он 80 грамм аҡ май 2 ҡалаҡ шәкәр ҡомо 1 йомортҡа Он күперткес Өҫтөнә һалыр өсөн ҡатнашма: 500 грамм 20 процентлы ҡаймаҡ 2 ҡалаҡ он һәм крахмал Үҙегеҙ теләгән емеш-еләк. Был осраҡта ҡара ҡарағат алынды. Ҡамыр өсөн бөтә ингредиенттарҙы яҡшылап бутап баҫҡас, уны майлы табаға һалабыҙ ҙә өҫтөнә емеш-еләкле ҡатнашманы (уны ла яҡшылап бутайбыҙ) ҡоябыҙ. 180 градусҡаса эҫетелгән духовкала 20-25 минут бешерәбеҙ. Сәйгә бик тәмле ризыҡ!