Санкт-Петербургта Республика көндәрендә башҡорт этноауылы ҡуйыла

Санкт-Петербургта 25-27 августа Башҡортостан Республикаһы көндәре үтә. Ошо көндәрҙә төньяҡ баш ҡалала “Күсмә халыҡтар иле – легендалар иле” башҡорт этноихатаһы йәйелдереләсәк. Дәүләт академия капеллаһында урынлашасаҡ этнодворҙа ҡала халҡы һәм ҡунаҡтары башҡорт традицион кәсептәре, көнкүреше һәм фольклоры менән таныша аласаҡ. Бында күсмә башҡорттарҙың боронғо торлағы - кейеҙ тирмәһе тергеҙеләсәк. Ҡунаҡтарға тирмәне биҙәү үҙенсәлектәре, уның төрлө өлөштәренең тәғәйенләнеше, милли йолалар һәм башҡа ғөрөф-ғәҙәттәр хаҡында һөйләйҙәр. Сәй йолаһы ваҡытында теләге булғандар башҡорттарҙың традицион ризыҡтарынан ауыҙ итә ала. Байрам ҡунаҡтарын сәнғәт һәм һөнәрселек буйынса мауыҡтырғыс оҫталыҡ дәрестәре көтә: кейеҙ баҫыу, туҡыу, ағас һырлау, башҡорт биҙәүестәрен эшләү. Бынан тыш, ҡурайҙа, ҡыл-ҡумыҙҙа һәм ҡумыҙҙа уйнарға өйрәнеү мөмкинлеге була. Теләге булғандар шулай уҡ традицион уҡтан атыуҙа һәм сыбыртҡы менән һуғыуҙа үҙ көсөн һәм оҫталығын һынап ҡарай ала. Сығанаҡ: https://resbash.ru/news/kultura/2023-08-23/v-sankt-peterburge-v-dni-respubliki-razvernetsya-bashkirskiy-etnodvor-3399848